Tingtoeng 67 - Matu Bible

Thangpom Saeh

[Rhotoeng aka mawt ham Tingtoeng laa]

¹ Pathen loh mamih n'rhen saeh lamtah mamih yoethen m'pae saeh. Mamih taengah a maelhmai ha sae saeh. Selah

² Te dongah na longpuei te diklai dongah, na khangnah te namtom rhoek boeih lakli ah ming sak lah.

³ Pathen namah kah pilnam rhoek loh nang uem uh saeh. Pilnam boeih loh nang uem uh saeh.

⁴ Pilnam rhoek taengah a tlangtlae la lai na tloek tih, diklai dongkah namtu rhoek khaw na mawt dongah, namtu rhoek loh a kohoe uh saeh lamtah tamhoe uh saeh. Selah

⁵ Pathen namah kah pilnam rhoek loh nang uem uh saeh. Pilnam boeih loh nang uem uh saeh.

⁶ Khohmuen loh a vuei a thaih a khueh tih mamih kah Pathen, Pathen loh mamih yoethen m'paek ni.

⁷ Pathen loh mamih yoethen m'paek vetih diklai khobawt boeih loh amah te a rhih uh ni.