Tingtoeng 61 - Matu Bible

Pathen Taengah Uepnah

[Rhotoeng neh aka mawt ham David kah]

¹ Pathen aw ka tamlung he ya lamtah ka thangthuinah he hnatung lah.

² Nang te Diklai a bawt lamkah kan khue. Ka lungbuei a rhae vaengah kamah lakah aka sang lungpang taengla kai nan mawt.

³ Kai ham tah hlipyingnah neh thunkha hmai ah sarhi rhaltoengim la na om.

⁴ Na dap khuiah kumhal ka bakuep vetih na phae hlip ah ka ying ni. Selah

⁵ Pathen namah loh ka olcaeng te na yaak dongah na ming aka rhih tah rho na paek.

⁶ Manghai kah a tue khohnin te puh sak lamtah a kum khaw cadilcahma duela nguel sak.

⁷ Sitlohnah Pathen hmai ah kumhal khosa saeh lamtah a khueh oltak loh anih te kueinah saeh.

⁸ Khohnin, khohnin ah ka olcaeng te thuung ham na ming ka tingtoeng yoeyah.