Tingtoeng 54 - Matu Bible

Loeihnah Ham Thangthuinah

[Rhotoeng neh aka mawt ham, “Ziphim loh Saul taengla cet tih kaimih taengah David a thuh moenih, a ti nah vaengkah, David hlohlai]

¹ Aw Pathen na ming neh kai n'khang lamtah, na thayung thamal neh kai n'tang sak.

² Aw Pathen, ka thangthuinah he ya lamtah, ka ka lamkah ol he hnatun lah.

³ Hlanglak kai taengah tlai uh tih, hlanghaeng neh a hmai kah Pathen te, a nawtna uh kolla ka hinglu a mae uh. Selah

⁴ Kai he Pathen loh m'bom tih, ka hinglu aka talong rhoek taengah ka Boeipa om ke.

⁵ Ka lungawn rhoek soah a thae neh thuung rhoe thuung lamtah, na oltak neh amih te biit lah.

⁶ Na taengah kothoh te, kan nawn saeh lamtah na then dongah BOEIPA nang ming te ka uem eh.

⁷ Citcai cungkuem lamkah kai n'huul tih, ka thunkha rhoek te ka mik loh a sawt.