Tingtoeng 47 - Matu Bible

Mamih kah Pathen Manghai

[Aka mawt ham Korah ca rhoek kah Tingtoenglung]

¹ Pilnam boeih loh kut paeng uh lamtah tamlung ol neh Pathen taengah yuhui uh lah.

² Khohni YAHWEH tah rhih om tloe tih diklai pum kah manghai tanglue la om.

³ Pilnam rhoek te mamih hmuila, namtu rhoek te mamih kho hmuila a hlak.

⁴ A lungnah Jakob kah a mingthennah, mamih kah rho te mamih ham a tuek. Selah

⁵ Pathen tah tamlung neh, BOEIPA tuki ol neh luei coeng.

⁶ Pathen te tingtoeng uh, tingtoeng uh, mamih kah manghai te tingtoeng uh, tingtoeng uh.

⁷ Diklai pum kah Pathen Manghai he hlohlai neh tingtoeng uh.

⁸ Pathen tah Namtom boeih soah manghai coeng tih Pathen tah amah kah hmuencim ngolkhoel dongah ngol.

⁹ Diklai photling rhoek he Pathen hut la om tih a thueng soeh dongah pilnam hlangcong rhoek loh Abraham Pathen kah pilnam a tingtun thil uh.