Tingtoeng 20 - Matu Bible

Caem Khui Lamloh Loeihnah

[Aka mawt ham David kah Tingtoenglung]

¹ Citcai hnin vaengah BOEIPA loh nang n'doo saeh lamtah, Jakob kah Pathen ming neh n'hoeptlang saeh.

² Nang aka bomkung te hmuencim lamkah han tueih saeh lamtah Zion lamkah nang n'duel saeh.

³ Na khosaa boeih te han poek saeh lamtah na hmueihhlutnah te han doe saeh. Selah

⁴ Namah thinko bangla nang taengah m'pae saeh lamtah na cilsuep boeih khaw han soep sak saeh.

⁵ Nang kah khangnah dongah ka tamhoe uh vetih, Mamih kah Pathen ming neh hnitai n'tai uh ni. Na huithuinah boeih te BOEIPA loh han soep sak saeh.

⁶ Amah kah a koelh te BOEIPA loh a khang tih a bantang kah daemnah thayung thamal neh vaan hmuencim lamkah a doo tila ka ming.

⁷ Leng dongkah rhoek neh marhang dongkah rhoek khaw om uh dae kaimih tah mamih BOEIPA Pathen ming ni ka thoel uh.

⁸ Amih te kha uh tih cungku uh cakhaw mamih tah n'thoo uh tih n'rhalrhing uh.

⁹ Aw BOEIPA manghai ke han khang lamtah tihnin ah kan khue uh te khaw han doo saeh.