Tingtoeng 137 - Matu Bible

Tamna Rhahlung

¹ Babylon tuiva ah te ka ngol uh tih Zion ka poek uh vaengah ka rhap uh.

² A khui kah tuirhi dongah ka rhotoeng te ka bang uh.

³ Kaimih aka sol rhoek kaimih te laa ol hnap n'dawt uh. Kaimih aka parhaengkung long khaw, “Zion laa te kaimih ham kohoenah neh hlai uh lah,” a ti uh.

⁴ Balae tih BOEIPA laa he kholong kho ah ka hlai uh eh?

⁵ Jerusalem nang te kan hnilh atah ka bantang kut he hnilh uh saeh.

⁶ Nang te kan thoelh pawt tih, Jerusalem te ka kohoenah somtung la ka pacuet pawt atah ka lai he ka dang la kap uh saeh.

⁷ BOEIPA aw Jerusalem tue vaengkah Edom koca rhoek loh, “A khoengim duela kingling uh kingling uh,” a ti uh te poek pah.

⁸ Hlang aka rhoelrhak Babylon nu aw, kaimih taengah na saii bangla na thaphu te namah taengah aka thuung tah a yoethen.

⁹ Na camoe rhoek te a tuuk tih, thaelpang dongah aka phop tah a yoethen.