Tingtoeng 126 - Matu Bible

Zion kah Thohkoepnah

[Tangtlaeng laa]

¹ BOEIPA loh Zion hlangsol te ham mael puei vaengah mang man bangla ka om uh.

² Te vaengah mamih ka ah nueihbu neh mamih lai ah tamlung khaw bae. Te dongah namtom taengah, “He he aka saii ham khaw BOEIPA tah khuet pai,” a ti uh.

³ Mamih ham aka saii BOEIPA he a khuet dongah kohoe la ng'om uh.

⁴ BOEIPA aw kaimih thongtla thongtla te tuithim kah sokca bangla mael sak lah.

⁵ Mikphi neh aka tawn rhoek loh tamlung neh a ah uh ni.

⁶ Cet rhoe cet tih rhah doeah cangtii rhovoep aka phuei tah a cangpa pawn doela tamlung neh ha mael rhoe ha mael ni.