Tingtoeng 124 - Matu Bible

Mamih Taengah BOEIPA Om

[David kah Tangtlaeng Laa]

¹ Israel loh, “Mamih ham BOEIPA te om pawt koinih,” ti laeh saeh.

² Hlang loh mamih taengah a tlai vaengah mamih ham BOEIPA om pawt koinih;

³ Mamih taengah a thintoek neh a sai vaengah mamih he a hingsai n'dolh uh ni.

⁴ Tui loh mamih n'yo vetih soklong loh mamih hinglu he a kawt pawn ni.

⁵ Lungpok tui loh mamih kah hinglu a et ni.

⁶ Amih no dongah maeh la mamih aka tloeng pawh BOEIPA te a yoethen pai saeh.

⁷ Mamih kah hinglu tah vaa bangla pael neh a hlaeh khui lamloh loeih. Pael te rhek tih mamih n'loeih uh.

⁸ Vaan neh diklai aka saii BOEIPA ming dongah mamih bomkung om.