Tingtoeng 122 - Matu Bible

Jerusalem Ham Thangthuinah

[David kah Tangtlaeng Laa]

¹ Kai taengah, “BOEIPA im la cet uh sih,” a ti uh vaengah ka kohoe.

² Jerusalem nang kah vongka ah kaimih kho loh pai uh tih om uh.

³ Jerusalem te khopuei la tun cingcui sak ham ni a thoong.

⁴ BOEIPA kah koca koca tah olphong bangla BOEIPA ming te uem ham Israel taengla pahoi cet uh.

⁵ David im kah laitloeknah ngolkhoel ham ngolkhoel te pahoi a hol uh.

⁶ Jerusalem kah sadingnah hamla bih uh. Nang aka lungnah rhoek tah dingsuek saeh.

⁷ Na rhalmahvong khuiah rhoepnah, na impuei khuiah ommongnah om saeh.

⁸ Ka manuca neh ka hui rhoek ham khaw, “Na khuiah rhoepnah om laeh saeh,” ka ti eh.

⁹ Mamih Pathen BOEIPA im ham ni nang kah hnothen khaw ka toem eh.