Tingtoeng 114 - Matu Bible

Israel kah Hlawtkung Pathen

¹ Egypt lamloh Israel, kholong ol cal pilnam lamloh Jakob imkhui ha pai vaengah;

² A hmuencim la Judah, a khohung la Israel a om pah.

³ Tuitunli loh a hmuh vaengah rhaelrham tih, Jordan khaw a hnuk la mael.

⁴ Tlang rhoek khaw som rhoek kah tutal rhoek neh, boiva ca bangla na cungpet uh.

⁵ Tuitunli nang te bahamnim na rhaelrham, Jordan long khaw a hnuk la na mael?

⁶ Tlang rhoek khaw som rhoek kah tutal rhoek neh, boiva ca bangla na cungpet uh.

⁷ Diklai nang Boeipa mikhmuh neh, Jakob Pathen mikhmuh ah thuen lah.

⁸ Anih loh lungpang te tuibap tui la, hmailung khaw tuisih tui la a coeng sak.