Tingtoeng 110 - Matu Bible

Manghai Khosoih

[David kah Tingtoenglung]

¹ BOEIPA kah olphong loh ka Boeipa la, “Na thunkha na kho ham khotloeng la ka khueh hilah kai kah bantang benah ngol,” a ti nah.

² Nang kah sarhi conghol te BOEIPA loh Zion lamkah han thak vetih na thunkha rhoek lakliah a taemrhai ni.

³ Na khuehtawn tue vaengah na pilnam loh rhuepomnah hmuencim ah kothoh a khueh vetih, nang kah buemtui oila khaw khopo bung khui lamkah nang taengla ha pawk ni.

⁴ “Melkhizedek banghui la kumhal duela na khosoih coeng,” tila BOEIPA loh a toemngam coeng dongah kohlawt mahpawh.

⁵ Na bantang kah ka Boeipa loh a thintoek hnin ah manghai rhoek a phop ni.

⁶ Namtom ham lai a tloek vaengah rhok a hmoek vetih diklai pum kah a lu khaw a phop ni.

⁷ Long taengkah soklong tui te a ok vetih a lu a pomsang ni.