Rhaengsae 5 - Matu Bible

Mael Hamla Thangthuinah

¹ BOEIPA aw poek lamtah kaimih taengkah aka thoeng te paelki laeh. Paelki lamtah kaimih sokah kokhahnah he hmu lah.

ב Bet

² Kaimih kah rho te hlanglak taengla, ka im te kholong taengla pawk coeng.

ג Gimel

³ Cadah la ka om uh tih nuhmai bangla ka manu napa a om moenih.

ד Dalet

⁴ Kamamih tui ha tangka neh ka ok uh tih kamamih kah thing ha a phu daengah ha pawk.

ה He

⁵ Ka rhawn ah n'hloem uh vaengah ka kohnue uh pawt bangla kaimih he n'duem sak pawh.

ו Vav

⁶ Buh ka cung uh ham khaw Egypt neh Assyria taengah kut ka duen uh.

ז Zayin

⁷ A pa rhoek khaw a tholh uh tih kaimih taengah a om voel moenih. Tedae kaimih loh amih kah thaesainah te ka phueih uh.

ח Khet

⁸ Sal rhoek kaimih soah n'taemrhai uh tih amih kut lamkah aka bawt om pawh.

ט Tet

⁹ Khosoek cunghang hmai ah ka hinglu nen ni ka buh ka dang uh. Khokha rhamling hmai ah ka vin khaw hmaiulh bangla tloo coeng.

י Yod כ Kaf

¹⁰ Zion kah huta rhoek neh Judah khopuei kah oila rhoek khaw a tholh puei uh.

ל Lamed

¹¹ Amih kut neh mangpa rhoek a kuiok sak tih patong rhoek kah maelhmai khaw hiin uh pawh.

מ Mem

¹² Tongpang rhoek loh phaklung a phueih uh tih camoe rhoek te thingpum dongah paloe uh.

נ Nun

¹³ Vongka lamkah patong rhoek neh, tongpang rhoek khaw a rhotoeng lamloh kangkuen uh.

ס Samek

¹⁴ Kaimih lungbuei kah omthennah he kangkuen coeng tih kaimih kah lamnah khaw nguekcoinah la poeh.

פ Pe

¹⁵ Mamih lu kah rhuisam khaw yulh coeng. Anunae n'tholh uh khaw mamih ham coeng ni.

ע Ayin

¹⁶ Te dongah ko mamih lungbuei he pumthim hainak la coeng. He dongah mamih kah maelhmai khaw a hmuep.

צ Tsade

¹⁷ Zion tlang aka pong te a soah maetang ni a pongpa coeng.

ק Qaf

¹⁸ BOEIPA namah tah kumhal duela na om tih, na ngolkhoel khaw cadilcahma phoeikah cadilcahma duela cak. Balae tih a yoeyah la kaimih nan hnilh? Kaimih nan hnoo khaw khohnin loh sen.

ר Resh שׁ Sin/Shin

¹⁹ BOEIPA aw kaimih he namah taengah m'mael sak laeh. Ka mael uh van daengah ni hlamat kah bangla kaimih kah khohnin thai neh ka mael uh eh.

ת Tav

²⁰ Kaimih taengah a nah la na thintoek tih kaimih he nan hnawt nan hnawt mai.