Rhaengsae 4 - Matu BibleKhopuei A Dum Kah Khorhi 1 Sui te bahoeng muhut, sui then khaw tho uh, lungto cim khaw tollong tom kah taphung ah a hawk uh. ב Bet 2 Zion ca rhoek loh suicilh neh lung vang a thuek balae tih aka picai kut dongkah a bibi tuitang paikaek bangla a poek uh. ד Dalet 3 Pongui long pataeng rhangsuk a pumcum tih a ca a khut. Ka pilnam tanu tah kalaukva khuiah khosoek kah kalaukva bangla muen. ה He 4 Tuihalh ah cahni kah a lai te a dang la kap tih camoe rhoek loh buh a hoe dae amih aka pae om pawh. ו Vav 5 Buhmong la aka ca rhoek te tollong ah aka pong, hlampai dongah aka tangnah rhoek loh natva ni a kop uh. ז Zayin 6 Sodom kah tholhnah lakah ka pilnam nu kah thaesainah he rhoeng. Mikhaptok ah mael tih anih te kut long khaw a sambai moenih. ח Khet 7 A hlangcoelh rhoek te vuelsong lakah cil tih suktui lakah bok. A rhuhrhong te lungvang lakah, a pumrho te minhum lakah thimyum. ט Tet 8 A suisak te amhmol lakah hmuep tih tollong ah hmat uh voel pawh. A vin a rhuh dongah ben uh tih thing koh bangla om. י Yod 9 Khokha dongah rhok lakah cunghang dongkah rhok la om te then. Amih te khohmuen thaih loh a thun tih cae uh. כ Kaf 10 Lungma nu rhoek kut loh a ca a thong uh tih ka pilnam canu kah pocinah dongah amih kah a caak la poeh uh. ל Lamed 11 BOEIPA loh a kosi a sah tih a thintoek thinsa te a kingling. Zion ah hmai a hlup tih a khoengim a hlawp. מ Mem 12 Jerusalem vongka longah rhal neh thunkha a kun te diklai manghai neh lunglai dongkah khosa boeih boeih loh tangnah uh pawh. A tonghma rhoek kah tholhnah neh a khosoih rhoek kah thaesainah loh a khui ah hlangdueng kah thii a hawk sak. נ Nun ס Nun 13 Tollong ah mikdael la vikvuek uh tih a pueinak te ben thai pawt ham thii neh nok uh. פ Pe 14 Amih rhalawt rhoek te, “Nong uh, nong, nong uh lamtah ben uh boeh,” tila a o uh. Yong khonghak tih a poengdoe uh vaengah, “Namtom taengkah bakuep ham khoengvoep uh boeh,” a ti uh. ק Qaf 15 BOEIPA mikhmuh ah amih a taekyak te amih paelki ham a khoep moenih. Khosoih rhoek kah maelhmai khaw dan uh pawt tih patong neh hamca rhoek khaw rhen uh pawh. ע Ayin 16 Amih a khoengvoep bangla mamih khaw n'khoengvoep uh. Kaimih kah bomnah ham khaw kaimih mik ni a kha. Aka daem sak pawh namtom te mamih kah rhaltawt lamloh n'rhaltawt thil khaw a honghi ni. צ Tsade 17 Mamih kah toltung ah pongpa ham mamih kah kholaeh a thuih uh. Mamih kah a bawtnah loh ha tawn uh tih mamih kah khohnin a cup coeng dongah mamih kah a bawknah ha pawk coeng. ק Qaf 18 Mamih aka hloem rhoek te vaan kah atha lakah kapyang la om uh. Mamih he tlang ah n'hlak tih khosoek ah khaw mamih n'rhongngol thil uh. ר Resh 19 BOEIPA loh a koelh mamih hnarhong lamkah hil pataeng amih kah rhomhmop koeh ah man. Te te namtom taengah khaw, “A hlipkhup ah n'hing uh bitni,” n'ti uh dae ta. שׁ Sin/Shin 20 Uz Kho kah khosa, khosa Edom nu rhoek ngaingaih uh lamtah kohoe sak uh. Nang te khaw boengloeng loh m'paan tih na rhuihmil neh na yan uh bitni. ת Tav 21 Zion nu nang kah thaesainah tah bawt tih nang poelyoe ham koei voel mahpawh. Edom nu nang kah thaesainah khaw a cawh vetih na tholhnah te a phoe ni. |
Matupi Chin Standard Bible © Batupuei Christian Fellowship (Matupi) 2019.
Batupuei Christian Fellowship (Matupi)