Isaiah 12 - Matu Bible

Koehnah Laa

¹ Tekah khohnin ah, “BOEIPA namah ni kang uem eh, kai taengah na thintoek dae na thintoek khaw mael coeng tih kai nan hloep.

² Kamah kah khangnah Khohni te ka pangtung vetih ka sarhi ham khaw ka birhih mahpawh. BOEIPA YAHWEH laa he khaw kai ham khangnah la om,” na ti ni.

³ Khangnah tuisih lamkah omngaihnah neh tui na than uh van bitni.

⁴ Tekah khohnin ah, “BOEIPA te uem uh lah, amah ming te khue uh lah, a khoboe te pilnam taengah ming sak uh lah, a ming a sang te thoelh uh lah.

⁵ Rhimomnah a saii te diklai pum loh a ming coeng dongah BOEIPA te tingtoeng uh lah.

⁶ Israel kah Hlangcim te na lakli ah a tanglue coeng dongah Zion nu rhoek loh hlampan uh lamtah tamhoe uh laeh,” na ti uh van bitni.