2 Joni 1 - Godoni vuʼa maiuʼina

Vu'a Anejijihina

¹ Na eruta napara ka'ene iji pijahajine 'ee sesahwaha ka'ene nara nimaa vajijino oja mihujiru pana vo ea maho'o nimaiji hena kavi'inijihi puna'e veju.

² Nimaa ka'ene núni vaji name 'ee majama nama vahuni jihuni hahi veju.

³ Maiji vwihanúana 'ee numirumana 'ee matauvi'ina ka'ene Godi Amo 'ee Jesu Keriso ka'ene Amo oni Harihi jihuni nimaa 'ee oja mihujaho nú pu'úmuna.

Hura 'Warama Ja'ina'e O'avara

⁴ Na sesahu jona 'aho'a ki'eme nimai jihuni vaji 'urahojajaho na teamanimana. Areri núra vehuna ka'ene Amouna'i apeja ja'ina vejara.

⁵ 'Enakaivo na iviamaa napara kera a 'waravu na tamana pina maiu'ina paveju kaivo núra nimarako amura hejara ka'ene ea 'aho pu'úmo oja ma'arahuna ka'ene 'waramaji veju.

⁶ Oja 'ekaravujaho Huni tamanijara 'warama ja'ina'e 'uraha ohuna. Ikaho tamana ka'ene jara nitama hejajina'omo ja ijihunijino 'urahe ohuna.

⁷ Ira'asina mapoka iki mwe'i ani rene va'u. 'Ena'omo pu Jesu Kerisoho haha paapenana 'wavura. Pu niho'o ira'asine 'ee Keriso oni nana'eji'ina.

⁸ Nú raka ka'ene ja najahume rejajaho hami 'ajohakame papa'are'ama jihuna'e nú ja pu'úmo eha mamaa maho'o areri apehuna.

⁹ Ea irara Kerisora najahuji pave'i kaivo karokaha venujaho Godi huni oja vaja pahinu. Ea irara Kerisora najahuji venujaho Omahe'o Hariahe'o huni oja vaji hiju.

¹⁰ Ea 'ahopo ja naja'iro ro'i kaivo ijí raka ka'ene najahaji paapene roa ki'avajaho pa'warave joni sea roe 'ee pa'ajo'avara.

¹¹ Ea ija'iniji kame a 'ajo'amajaho hura sisea venuja'ina'e a areri sisea ija'ina vehuna.

Vu'a Túchamaijina

¹² Na ura ja mapoka 'warahuna ura reniu kaivo na heha 'ahi vehuna ura pareniu. 'Ena'omo na vu'areje joni una'i urania kakaravi'i 'waravakame nú ja pu'úmo niho'o temari itu'ona parahuna.

¹³ Joni 'u'ua ka'ene Godi iji pijaha jihipuni ehipo ja 'ajoravu.