ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2 - ᐅᔅᑭ ᑎᔅᑌᒥᓐᑦ

ᐅᑎᐹᔅᑯᓂᑫᐎᓐ

¹ ᐁᐗᑯ ᐅᒋ ᓇᒪᐎᓚ ᑭ ᑳ ᑮ ᑶᑕᐎᐃᑣᓐ, ᐅ ᐃᓕᓕᐤ, ᐊᐌᓇ ᐁᑐᑫ ᑳ ᑎᐹᔅᑯᓂᑫᔭᓐ: ᐌᓴ ᐃᑕ ᐌᒋ ᑎᐹᔅᑯᓇᑦ ᑯᑕᒃ, ᑭ ᓂᔑᐗᓈᒋᒥᑎᓯᓐ; ᐌᓴ ᑭᓚ ᑳ ᑎᐹᔅᑯᓂᑫᔭᓐ ᒣᒋ ᓀᔥᑕ ᐁ ᐃᔑ ᐊᔨᑐᑕᒪᓐ᙮

² ᒫᑲ ᐎᓚ ᓂ ᑫᒋᓇᐅᓈᓐ ᐅ ᑎᐹᔅᑯᓂᑫᐎᓐ ᑭᒋᒪᓂᑐ ᐁ ᐃᔑ ᑖᐺᐎᓂᐗᓂᓕᒃ ᑭᒋ ᐃᔅᐸᓕᐃᑯᒋᒃ ᒥᓯᐌ ᕋᔅᓂᑭ ᑳ ᑐᑕᑭᒃ ᐅᐅ ᑐᐎ ᑫᒀᓇ᙮

³ ᑭᑦ ᐃᑌᓕᑌᓐ ᓈ ᐅᒪ ᒫᑲ, ᐅ ᐃᓕᓕᐤ, ᑳ ᑎᐹᔅᑯᓇᒋᒃ ᐊᓂᑭ ᐅᐅ ᑐᐎ ᑳ ᑐᑕᑭᒃ, ᑭᓚ ᓀᔥᑕ ᒬᒋ ᐁ ᐊᔨᑐᑕᒪᓐ, ᑭᒋ ᑮ ᐅᔑᑕᒶᑦ ᐅ ᑎᐹᔅᑯᓂᑫᐎᓐ ᑭᒋᒪᓂᑐ?

⁴ ᓀᔥᑕᐱᑯ ᑭᑦ ᐋᑕᐌᓕᑕᒸᓐ ᓈ ᐁ ᐃᔑ ᐌᓗᑕᓂᓕᒃ ᐅ ᒥᓨᑎᓯᐎᓐ ᓀᔥᑕ ᐅ ᐯᑳᒑᑎᓯᐎᓐ ᓀᔥᑕ ᐅ ᔑᐱᓚᐌᓯᐎᓐ; ᐁᑳ ᐁ ᑭᔅᑫᓕᑕᒪᓐ ᑭᒋᒪᓂᑐ ᐅ ᒥᓨᑎᓯᐎᓐ ᐁ ᐃᑐᑕᐃᑯᐗᑦ ᑭᒋ ᒥᒋᓚᐌᔦᓕᑕᒪᓐ?

⁵ ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

⁶ ᐊᓇ ᑫ ᐃᔑ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᐋᔨᑎᓕᒋ:

⁷ ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

⁸ ᒫᑲ ᐊᓂᐃ ᑳ ᐗᑴᓕᑖᑯᓯᓕᒋ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᑖᐺᐎᓂᓕᐤ, ᒫᑲ ᑳ ᓇᓇᐃᑕᒥᓕᒋ ᒪᒑᑎᓯᐎᓂᓕᐤ, ᑎᐸᐊᒪᐌᐤ ᑭᒋᑭᓯᐙᓯᐎᓂᓕᐤ ᓀᔥᑕ ᐗᑯᓚᐌᓯᐎᓂᓕᐤ,

⁹ ᐊᓕᒥᓯᐎᓂᓕᐤ ᓀᔥᑕ ᑲᒀᑕᑫᓕᒧᐎᓂᓕᐤ ᑲᑕ ᐅᑎᑎᑯ ᐅᑦ ᐊᒑᑯᒃ ᒥᓯᐌ ᑕᑐ ᐃᓕᓕᐤ ᑳ ᒪᒋᑐᑕᒃ, ᐊᓇ ᑳ ᒎᐎᑦ ᓃᔥᑕᒻ, ᐊᓯᒋ ᓀᔥᑕ ᐊᓇ ᑳ ᒉᓐᑖᐃᓕᐎᑦ;

¹⁰ ᒫᑲ ᑭᔅᑌᓕᑖᑯᓯᐎᓂᓕᐤ, ᑭᔅᑎᓯᐎᓂᓕᐤ, ᓀᔥᑕ ᑳᔮᒣᓕᑕᒧᐎᓂᓕᐤ ᑲᑕ ᐅᑎᑎᑯ ᒥᓯᐌ ᑕᑐ ᐃᓕᓕᐤ ᑳ ᒥᓗᑐᑕᒃ, ᐊᓇ ᑳ ᒎᐎᑦ ᓃᔥᑕᒻ, ᐊᓯᒋ ᓀᔥᑕ ᐊᓇ ᑳ ᒉᓐᑖᐃᓕᐎᑦ:

¹¹ ᐌᓴ ᑭᒋᒪᓂᑐ ᓇᒪᐎᓚ ᐹᐱᑐᔥ ᐃᑕᒋᒣᐤ ᐊᐌᓕᐗ᙮

¹² ᐌᓴ ᑳ ᐃᑕᓯᒋᒃ ᑳ ᑮ ᒪᒋᑐᑕᑭᒃ ᐁᑳ ᐅᓚᔓᐌᐎᓂᓕᐤ ᐁ ᐋᔮᒋᒃ ᑲᑕ ᓂᔑᐗᓈᑎᓯᐗᒃ ᐁᑳ ᐅᓚᔓᐌᐎᓂᓕᐤ ᐁ ᐋᔮᒋᒃ: ᑳ ᐃᑕᓯᒋᒃ ᒫᑲ ᐅᓚᔓᐌᐎᓂᒃ ᑳ ᑮ ᒪᒋᑐᑕᑭᒃ ᑲᑕ ᑎᐹᔅᑯᓂᑯᐗᒃ ᐅᓚᔓᐌᐎᓂᓕᐤ;

¹³ ᐌᓴ ᓇᒪᐎᓚ ᐊᓂᑭ ᑳ ᐯᑕᑭᒃ ᐅᓚᔓᐌᐎᓂᓕᐤ ᑳ ᒀᔭᔅᑭᑖᑎᓵᔅᑕᐙᒋᒃ ᑭᒋᒪᓂᑐᐗ, ᒫᑲ ᐊᓂᑭ ᑳ ᑐᑕᑭᒃ ᐅᓚᔓᐌᐎᓂᓕᐤ ᑫ ᒀᔭᔅᑭᑖᑎᓯᐋᑲᓂᐎᒋᒃ᙮

¹⁴ ᐌᓴ ᐃᔅᐱ ᒉᓐᑖᐃᓚᒃ, ᐁᑳ ᑳ ᐋᔮᒋᒃ ᐅᓚᔓᐌᐎᓂᓕᐤ, ᑎᐅᑕᑾᐎ ᐁ ᐃᑖᑎᓯᒋᒃ ᐊᓂᐃ ᐅᓚᔓᐌᐎᓂᒃ ᑳ ᐃᑕᑾᓂᓕᑭ, ᐅᑯ, ᐁᑳ ᐁ ᐋᔮᒋᒃ ᐅᓚᔓᐌᐎᓂᓕᐤ, ᐎᓚᐗᐤ ᑫᒋᐙᒃ ᐅᓚᔓᐌᐎᓂᑳᑖᓱᐗᒃ:

¹⁵ ᑳ ᐙᐸᑎᓕᐌᒋᒃ ᐁ ᐃᑖᐸᑎᓯᒪᑲᓂᓕᒃ ᐅᓚᔓᐌᐎᓂᓕᐤ ᐁ ᒪᓯᓇᐃᑳᑌᓕᒃ ᐅᑌᐃᐙᒃ, ᐅ ᒥᑐᓀᓕᒋᑲᓂᐗᐤ ᐁ ᐃᑖᒋᒧᔅᑖᑯᒋᒃ, ᐅᑦ ᐃᑌᓕᑕᒧᐎᓂᐗᐗ ᒪᒦᔅᑯᒡ ᐁ ᒪᒥᔑᒥᑐᒪᑲᓂᓕᑭ ᓀᔥᑕᐱᑯ ᑳᔮᒣᓕᑕᒥᐃᑐᒪᑲᓂᓕᑭ;

¹⁶ ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᒎᐗᒃ ᐊᓂᒪ ᒫᑲ ᐅᓚᔓᐌᐎᓐ

¹⁷ ᒫᑎᑲ, ᒎ ᑭᑦ ᐃᔑᓂᑳᑎᑳᐎᓐ, ᓀᔥᑕ ᑭᑦ ᐊᔅᐯᓕᒧᑌᓐ ᐅᓚᔓᐌᐎᓐ, ᓀᔥᑕ ᑭᒋᒪᓂᑐ ᑭᑦ ᐅᒋ ᑲᑮᒋᒧᓐ,

¹⁸ ᓀᔥᑕ ᑭ ᑭᔅᑫᓕᑕᒸᓐ ᐅᑦ ᐃᑌᓕᑕᒧᐎᓐ, ᓀᔥᑕ ᑭ ᒥᓜᓕᑌᓐ ᐊᓂᐃ ᐋᓕᐙᒃ ᑳ ᒥᓨᔑᑭ, ᐅᓚᔓᐌᐎᓂᒃ ᐁ ᑮ ᐅᒋ ᑭᔅᑭᓄᐊᒫᑲᐎᔭᓐ;

¹⁹ ᓀᔥᑕ ᑭ ᑌᐱᐋᐱᔅᑌᓕᒧᓐ ᑭᓚ ᐁ ᑭᔅᑭᓄᑕᐊᒋᒃ ᐊᓂᑭ ᐁᑳ ᑳ ᐙᐱᒋᒃ, ᐁ ᐙᔅᑌᓇᒪᐗᒋᒃ ᐊᓂᑭ ᑳ ᐗᓀᑎᐱᔅᑭᓯᒋᒃ,

²⁰ ᐁ ᑭᔅᑭᓄᐊᒪᐗᒋᒃ ᐊᓂᑭ ᑳ ᑲᑫᐹᑎᓯᒋᒃ, ᐁ ᑮ ᑭᔅᑭᓄᐊᒪᐗᒋᒃ ᐅᔥᑲᐙᔑᔕᒃ, ᐁ ᐋᔮᔭᓐ ᐊᓂᒪ ᐁ ᐃᔑᓈᑾᒃ ᑭᔅᑫᓕᑕᒧᐎᓐ ᓀᔥᑕ ᑖᐺᐎᓐ ᐅᓚᔓᐌᐎᓂᒃ᙮

²¹ ᑭᓚ ᒫᑲ ᑳ ᑭᔅᑭᓄᐊᒪᐗᑦ ᑯᑕᒃ, ᓇᒪ ᓈ ᑭ ᑭᔅᑭᓄᐊᒪᓱᓐ? ᑭᓚ ᑳ ᑲᑫᔅᑭᒥᐌᔭᓐ ᐃᓕᓕᐤ ᐁᑳ ᑲᒋ ᑭᒧᑎᑦ, ᑭᓚ ᓈ ᑭ ᑭᒧᑎᓐ?

²² ᑭᓚ ᑳ ᐃᑗᔭᓐ ᐃᓕᓕᐤ ᐁᑳ ᑭᒋ ᐱᔑᒀᑎᓰᑦ, ᑭᓚ ᓈ ᑭ ᐱᔑᒀᑎᓰᓐ? ᑭᓚ ᑳ ᐸᑳᑕᒋᒃ ᒪᓯᓕᓕᑳᓇᒃ, ᑭᓚ ᓈ ᑭ ᓂᔑᐗᓈᒋᑖᓐ ᐊᓂᒪ ᑳ ᐸᓓᑭᑖᓂᐗᒃ?

²³ ᑭᓚ ᐅᓚᔓᐌᐎᓐ ᑳ ᐅᒋ ᑲᑭᒋᒧᔭᓐ, ᐁ ᐱᑯᓇᒪᓐ ᓂ ᐅᓚᔓᐌᐎᓐ ᑭᑦ ᐅᒋ ᐋᑕᐌᓕᒪᐤ ᑭᒋᒪᓂᑐ?

²⁴ ᒫᓇ ᒫᑲ ᐅᑦ ᐃᔑᓂᑳᓯᐎᓐ ᑭᒋᒪᓂᑐ ᒫᒪᒋᐎᒋᑳᑌᓕᒃ ᑭᓚᐗᐤ ᐅᒋ ᒣᑴᔭᔥ ᒉᓐᑖᐃᓚ, ᐁ ᐃᑕᓯᓇᐃᑳᑌᒃ᙮

²⁵ ᐌᓴ ᑭᔅᑭᓄᐙᒋᔓᐎᓐ ᑖᐺ ᑭᑦ ᐗᐸᒋᐃᑯᓐ, ᑮᔥᐱᓐ ᑫᓇᐌᓕᑕᒪᓇ ᐅᓚᔓᐌᐎᓐ: ᒫᑲ ᑮᔥᐱᓐ ᐹᑯᓇᒪᓂ ᐅᓚᔓᐌᐎᓐ, ᑭ ᑭᔅᑭᓄᐋᒋᔓᐎᓐ ᑖᐱᔅᑯᒡ ᐁᑳ ᑭᔅᑭᓄᐙᒋᔓᐎᓐ ᐃᔑᑖᓂᐗᓐ᙮

²⁶ ᐁᐗᑯ ᒫᑲ ᐅᒋ ᑮᔥᐱᓐ ᐊᓇ ᐁᑳ ᑳ ᑭᔅᑭᓄᐙᒋᔣᑲᓂᐎᑦ ᑫᓇᐌᓕᑕᑭ ᐁ ᐃᔑ ᒀᔭᔅᑭᑖᑎᓯᒪᑲᓂᓕᒃ ᐅᓚᔓᐌᐎᓂᓕᐤ, ᓇᒪ ᓈ ᐎᓚ ᐁᑳ ᐁ ᑭᔅᑭᓄᐙᒋᔣᑲᓂᐎᑦ ᑲᑕ ᐃᑕᑭᒪᐤ ᑖᐱᔅᑯᒡ ᐁ ᑭᔅᑭᓄᐙᒋᔣᑲᓂᐎᑦ?

²⁷ ᓇᒪ ᓈ ᓀᔥᑕ ᐊᓂᒪ ᓇᒪᑭᔅᑭᓄᐙᒋᔓᐎᓐ ᐅᒋᑕᐤ ᑳ ᐃᑭᒃ, ᑮᔥᐱᓐ ᑎᐱᑐᑕᒧᒪᑲᒃ ᐅᓚᔓᐌᐎᓐ, ᑭ ᑳ ᑎᐹᔅᑯᓂᑯᓐ, ᑭᓚ ᐁ ᐃᑕᓯᓇᐃᑳᑌᒃ ᓀᔥᑕ ᑭᔅᑭᓄᐙᒋᔓᐎᓐ ᐅᒋ, ᑳ ᐗᓉᑕᒪᓐ ᐅᓚᔓᐌᐎᓐ?

²⁸ ᐌᓴ ᓇᒪᐎᓚ ᒎᐎᐤ, ᐊᓇ ᐱᑯ ᐗᔅᑮᒡ ᑳ ᐋᐎᑦ; ᓇᒪ ᓀᔥᑕ ᑭᔅᑭᓄᐙᒋᔓᐎᓐ, ᐊᓂᒪ ᐱᑯ ᐗᔅᑮᒡ ᐎᔮᓯᒃ ᑳ ᐃᑐᒋᑳᑌᒃ:

²⁹ ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮