ᑯᓚᔑᔭᓇ 4 - ᐅᔅᑭ ᑎᔅᑌᒥᓐᑦ1 ᐅᑭᒫᑐᒃ, ᒥᓕᑯᒃ ᑭᑦ ᐊᑑᔅᑫᓚᑲᓂᐗᐗᒃ, ᐊᓂᒪ ᑳ ᒀᔭᔅᑾᒃ ᓀᔥᑕ ᒥᓗᓈᑾᒃ; ᐁ ᑭᔅᑫᓕᑕᒣᒃ ᑭᓚᐗᐤ ᓀᔥᑕ ᐁ ᐅᑦ ᐅᑭᒫᒥᔦᒃ ᑭᒋᑭᔑᑯᒃ᙮ ᑭᔅᑭᓄᐊᒫᑫᐎᓐ 2 ᑕᑭᓀ ᐋᔭᒥᐋᒃ, ᓀᔥᑕ ᐁᑯ ᐃᔑ ᐊᔕᐙᐱᒃ ᐁ ᓇᓈᔅᑯᒧᔦᒃ; 3 ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ: 4 ᒥᑐᓂ ᑭᒋ ᑭᔅᑫᓕᑖᑯᑖᔮᓐ, ᑫ ᐃᔑ ᐋᔭᒥᐋᐸᓐ᙮ 5 ᐱᒧᑌᒃ ᑲᑫᑕᐌᓕᑕᒧᐎᓂᒃ ᐊᓂᑭ ᐃᔑ ᐗᓚᐎᑎᒥᒃ ᑳ ᐃᑖᒋᒃ, ᐁ ᑭᔑᑳᑭ ᐁᒀᔭᔅᑯ ᐋᐸᒋᑖᔦᒃ᙮ 6 ᐁᑯᔑ ᑭᑦ ᐋᔭᒥᐎᓂᐗᐤ ᒧᔕᒃ ᑲᑕ ᔕᐌᓕᑖᑾᓐ, ᔑᐎᑖᑲᓐ ᐁ ᐅᒋ ᔑᐎᑖᓂᐗᒃ, ᑭᒋ ᑭᔅᑫᓕᑕᒣᒃ ᑫ ᐃᔑ ᓇᔥᑴᐗᔑᒣᒃ ᒥᓯᐌ ᑕᑐ ᐃᓕᓕᐤ᙮ ᐹᓪ ᐙᒉᒣᐤ ᐅᑖᐺᑕᒧᐗ 7 ᒥᓯᐌ ᐁ ᐋᔭᑎᔮᓐ ᑎᑭᑲᔅ ᑭ ᑳ ᐎᑕᒫᑯᐗᐤ, ᑳ ᓵᑭᐋᑲᓂᐎᑦ ᐎᒋᔖᓂᒪᐤ, ᓀᔥᑕ ᐁ ᒀᔭᔅᑭᑎᑦ ᐋᔭᒥᐊᐎ ᐊᑑᔅᑫᓛᑲᓐ, ᓀᔥᑕ ᐎᒋᐊᑑᔅᑫᓛᑲᓐ ᐅᑎᐯᓕᒋᑫᒃ: 8 ᐊᓇ ᑳ ᐃᑎᔕᐊᒫᑕᑾᒃ ᐁᐗᑯ ᐅᒋ, ᑭᒋ ᑭᔅᑫᓕᑕᒃ ᐁ ᐋᔨᑎᔦᒃ, ᓀᔥᑕ ᑭᒋ ᑲᑮᒋᐃᑖᒃ ᑭᑌᐃᐙᒃ; 9 ᐊᓯᒋ ᐅᓂᓯᒪᔅ, ᑳ ᒀᔭᔅᑭᑎᑦ ᓀᔥᑕ ᓵᑭᐋᑲᓂᐎᑦ ᐎᒋᔖᓇᒪᐤ, ᐁᐗᑯ ᐯᔭᒃ ᑭᓚᐗᐤ ᐅᒋ᙮ ᐎᓚᐗᐤ ᑭ ᑳ ᑭᔅᑫᓕᑕᒥᐃᑯᐗᐤ ᒥᓯᐌ ᑫᒀᓇ ᐅᑕ ᑳ ᐋᔨᑐᒋᑳᑌᑭ᙮ 10 ᐋᕆᔅᑖᕐᑲᔅ, ᓂᒋ ᑭᐸᐙᑲᓐ, ᑭᑦ ᐊᑕᒥᔅᑳᑯᐗᐤ, ᓀᔥᑕ ᒫᕐᒃ, ᐹᕐᓇᐸᔅ ᐎᒋᔖᓂᔅᑴᒪ ᐅᑯᓯᓯᓕᐗ, ᑳ ᑮ ᐅᒋ ᐃᑕᔓᒥᑲᐎᔦᒃ: ᑮᔅᐱᓐ ᐯᒋ ᓇᑎᑖᑴ, ᐱᑐᑲᐃᒃ; 11 ᓀᔥᑕ ᒋᓴᔅ, ᑳ ᐃᔑᓂᑳᓱᑦ ᒐᔅᑕᔅ, ᐊᓂᑭ ᑭᔅᑭᓄᐙᒋᔓᐎᓂᒃ ᑳ ᑎᐱᓕᑖᑯᓯᒋᒃ᙮ ᐅᑯ ᐱᑯ ᓂᒋ ᐊᑑᔅᑫᒫᑲᓇᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᐃᔑ, ᑳ ᑮ ᑳᑭᒋᐃᒋᒃ᙮ 12 ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮ 13 ᐌᓴ ᓂ ᑎᐸᒋᒪᐤ, ᓈᔅᐱᒡ ᐁ ᓵᑭᐃᑖᒃ, ᐊᓂᐃ ᓀᔥᑕ ᓓᐅᑕᓯᐊᐃᒃ ᑳ ᐃᑖᓕᒋ, ᐊᓂᐃ ᓀᔥᑕ ᐦᐋᐃᕌᐳᓕᓯᒃ ᑳ ᐃᑖᓕᒋ᙮ 14 ᓘᒃ, ᑳ ᓵᑭᐋᑲᓂᐎᑦ ᒪᔅᑭᑭᐎᓕᓕᐤ ᓀᔥᑕ ᑎᒪᔅ ᑭᑦ ᐊᑌᒥᔅᑳᑯᐗᐗᒃ᙮ 15 ᐊᑕᒥᔅᑳᑯᒃ ᐊᓂᑭ ᐎᒋᔖᓂᒪᐗᒃ ᓓᐅᑕᓯᐊᐃᒃ ᑳ ᐃᑖᒋᒃ ᓀᔥᑕ ᓂᒻᐸᔅ, ᓀᔥᑕ ᒫᒪᐎᐋᔭᒥᐊᐗᒃ ᐎᑭᒃ ᑳ ᐃᑖᒋᒃ᙮ 16 ᐃᔅᐱ ᒫᑲ ᐅᒪ ᒪᓯᓇᐃᑫᐎᓐ ᐋᔭᒥᑖᓂᐗᑫ ᐃᑕ ᐁ ᐃᑖᔦᒃ, ᐃᑐᑕᒧᒃ ᓀᔥᑕ ᑭᒋ ᐋᔭᒥᑖᓂᐗᒃ ᒣᑴᔭᔥ ᐅ ᒫᒪᐎᐋᔭᒥᐋᒪᐗᐗ ᓓᐅᑕᓯᐊᓇᒃ; ᓀᔥᑕ ᑭᓚᐗᐤ ᑭᒋ ᐋᔭᒥᑖᔦᒃ ᐊᓂᒪ ᓓᐅᑕᓯᐊᐃᒃ ᐅᒋ᙮ 17 ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮ 18 ᐊᑕᒥᔅᑳᑫᐎᓐ ᓂᓚ ᐹᓪ ᓂᒋᒋᒃ ᐅᒋ᙮ ᑭᔅᑭᓯᑐᑕᒪᒃ ᓂ ᒪᒪᒋᑾᐱᔅᑲᐃᑲᓇ᙮ ᔕᐌᓕᒋᑫᐎᓐ ᑭ ᑳ ᐎ ᐎᒉᐎᑯᓇᐗᐤ᙮ ᐁᒣᓐ᙮ |
The text of the Bible in Moose Cree is in the public domain.
Moose Cree New Testament © Canadian Bible Society, 1991.
Canadian Bible Society