ᓂᔓ ᑯᕆᓐᑎᐊᓇ 9 - ᐅᔅᑭ ᑎᔅᑌᒥᓐᑦᐎᒋᐋᐗᒃ ᐐᒋ ᐅᑖᐺᑕᒧᐗᒃ 1 ᐊᓂᒪ ᒫᑲ ᐅᒋ ᐁ ᐃᔑ ᒫᑎᓇᒫᒋᒃ ᐅᐸᓓᑭᓴᒃ, ᓇᒪᐎᓚ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ; 2 ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮ 3 ᐁᓕᐌᒃ ᒫᑲ ᓂ ᑮ ᐃᔑᑎᔕᐗᐗᒃ ᐊᓂᑭ ᐎᒋᔖᓂᒪᐗᒃ, ᐅᒪ ᐁ ᐃᔑ ᒫᒪᑖᑯᒥᑕᑾᒃ ᐁᑳ ᐸᑾᓐᑕᐤ ᑭᒋ ᐃᑌᓕᑖᑾᒃ ᐅᒪ ᐅᒋ; ᒫᑲ, ᑳ ᑮ ᐃᑗᔮᓐ, ᑭᒋ ᐋᔦᔅᑲᐎᓯᔦᒃ: 4 ᒫᔅᑯᒡ ᒥᔅᑲᐤ, ᑮᔥᐱᓐ ᐊᓂᑭ ᒫᓯᑐᓂᔭᐃᒃ ᑳ ᐅᒋᒋᒃ ᐯᒋ ᐎᒉᐎᑡᐌ, ᓀᔥᑕ ᒥᔅᑳᑕᑾᐌ ᐁᑳ ᐁ ᐋᔦᔅᑲᐎᓯᔦᒃ, ᓂᓚᓈᓐ, ᐁᑳ ᐁ ᐃᑗᔮᒃ ᑭᓚᐗᐤ, ᓂ ᑳ ᓇᓀᐯᐎᓯᑖᓇᓐ, ᐅᒪ ᐁ ᑮ ᐃᔑ ᑫᒋᓇᐅᐎ ᒫᒪᑖᑯᒧᔮᒃ᙮ 5 ᐁᐗᑯ ᐅᒋ ᓇᑕᐌᓕᑖᑾᓐ ᓂ ᑮ ᐃᑌᓕᑌᑖᔾ ᑭᒋ ᔑᑭᒪᑭᒃ ᐊᓂᑭ ᐎᒋᔖᓂᒪᐗᒃ, ᓂᑳᓐ ᑭᒋ ᓈᑎᑖᑾᒃ, ᓀᔥᑕ ᓂᑳᓐ ᑭᒋ ᐙᐌᔑᑖᒋᒃ ᑭ ᒥᓕᐌᐎᓂᐗᐤ, ᐊᓂᒪ ᐋᔕᔾ ᓈᔅᐱᒡ ᑳ ᐋᐃᐋᓕᒧᒋᑳᑌᒃ: ᐁᐗᒀᓂᒪ ᑭᒋ ᐋᔦᔅᑲᐎᐊᔅᑌᒃ, ᑖᐱᔅᑯᒡ ᒧᔐ ᐁ ᒥᓕᐙᓂᐗᒃ, ᓇᒪ ᒫᑲ ᑖᐱᔅᑯᒡ ᐁ ᒧᔅᑌᓂᑳᑌᒃ᙮ 6 ᒫᑲ ᐅᒪ ᓂᑦ ᐃᑣᓐ, ᐊᓇ ᐋᐱᔑᔥ ᐱᑯ ᑳ ᐗᓴᓶᐱᓂᑫᑦ ᐋᐱᔑᔥ ᐱᑯ ᑲᑕ ᒪᓂᔑᑯᐤ; ᐊᓇ ᒫᑲ ᒥᔅᑕᐃ ᑳ ᐗᓴᓶᐱᓂᑫᑦ ᒥᔅᑕᐃ ᓀᔥᑕ ᑲᑕ ᒪᓂᔑᑫᐤ᙮ 7 ᐁᑯᔑ ᑳ ᐃᑕᔑᑦ ᐃᓕᓕᐤ ᐁ ᐃᔑ ᐃᑌᓕᑕᒃ ᐅᑌᐃᒃ, ᐁᑯ ᑫ ᐃᔑ ᒥᓕᐌᑦ; ᐁᑳᐎᓚ ᐁ ᓵᓵᑭᓯᑦ, ᐁᑳ ᓀᔥᑕ ᑖᐱᔅᑯᒡ ᐋᓕᓵᒡ; ᐌᓴ ᑭᒋᒪᓂᑐ ᓵᑭᐁᐤ ᐊᓂᐃ ᑳ ᓯᑭᓓᓯᓕᒋ ᐁ ᒥᓕᐌᓕᒋ᙮ 8 ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ: 9 ᐁ ᐃᑕᓯᓇᐃᑳᑌᒃ, ᑮ ᐗᓴᓶᐱᓂᑫᐤ; ᑮ ᒥᓓᐤ ᐊᓂᐃ ᑳ ᑭᑎᒫᑭᓯᓕᒋ: ᐅ ᒀᔭᔅᑭᑖᑎᓯᐎᓐ ᑳᑭᑫ ᐃᑕᑾᓂᓕᐤ᙮ 10 ᐊᓇ ᒫᑲ ᑳ ᐅᑎᓇᒪᐙᑦ ᓯᒥᓇ ᐊᓂᐃ ᑳ ᐗᓴᓶᐱᓂᑫᓕᒋ, ᑭ ᑳ ᐎ ᐅᑎᓇᒫᑯᐗᐤ ᐊᓚᑯᓇᐗ ᑭᒋ ᒧᐎᒣᒃ, ᓀᔥᑕ ᑭ ᑳ ᐎ ᓚᑭᑭᑕᐤ ᑭ ᓯᒥᓂᒥᐗᐗ ᑳ ᐗᓴᓶᐱᓂᑳᑌᑭ, ᓀᔥᑕ ᑲᑕ ᐎ ᓚᑭᑭᑕᐤ ᐊᓂᐃ ᐁ ᐃᔑ ᒥᓂᔑᐗᒃ ᑭ ᒀᔭᔅᑭᑖᑎᓯᐎᓂᐗᐤ: 11 ᐁ ᒥᔕᑭᐃᑲᐎᔦᒃ ᒥᓯᐌ ᑫᒀᓇ ᒥᓯᐌ ᒥᓕᐌᐎᓯᐎᓂᒃ, ᑳ ᐅᒋ ᓂᓚᓈᓐ ᓈᓈᔅᑯᒧᔅᑕᐗᑭᑦ ᑭᒋᒪᓂᑐ᙮ 12 ᐌᓴ ᐁ ᐃᑐᒋᑳᑌᒃ ᐅᒪ ᐃᑖᐸᑎᓯᐎᓐ, ᓇᒪᐎᓚ ᐱᑯ ᐅᑎᓇᒫᑯᐗᒃ ᐃᔥᐱᔥ ᑳ ᑭᑕᒫᒋᒃ ᐅᐸᓓᑭᓴᒃ, ᒫᑲ ᐌᓗᒋᐸᓕᐤ ᓀᔥᑕ ᒥᔅᑕᐃ ᑭᒋ ᓇᓈᔅᑯᒫᑲᓂᐎᑦ ᑭᒋᒪᓂᑐ᙮ 13 ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ; 14 ᓀᔥᑕ ᐁ ᐃᔑ ᐋᔭᒥᐁᔅᑕᒫᑖᑾᒃ ᑳ ᑭᐗᔐᓕᒥᑖᑾᒃ ᐅ ᒥᔅᑕᐃ ᔕᐌᓕᒋᑫᐎᓐ ᑭᒋᒪᓂᑐ ᑳ ᐱᒋᔅᑳᑯᐌᒃ ᐅᒋ᙮ 15 ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ ᐅ ᒥᓕᐌᐎᓐ ᐅᒋ ᐁᑳ ᑫ ᑮ ᐎᒋᑳᑌᓕᒃ᙮ |
The text of the Bible in Moose Cree is in the public domain.
Moose Cree New Testament © Canadian Bible Society, 1991.
Canadian Bible Society