ᓂᔓ ᑯᕆᓐᑎᐊᓇ 3 - ᐅᔅᑭ ᑎᔅᑌᒥᓐᑦᐊᑐᔅᑫᓛᑲᓇᒃ ᐅᔥᑭ ᐊᔓᑕᒫᑫᐎᓐ ᐅᒋ 1 ᒥᓇ ᓈ ᓂ ᒫᒋ ᒥᓗᐋᓕᒧᒥᑎᓱᓈᓐ? ᓀᔥᑕᐱᑯ ᓂ ᓇᑕᐌᓕᑌᓈᓐ ᓈ, ᑖᐱᔅᑯᒡ ᐋᑎᑦ ᑯᑕᑭᔭᒃ, ᒥᓗᐋᓕᒧᒥᐌᐎ ᒪᓯᓇᐃᑫᐎᓇ ᑭᒋ ᐯᑣᑖᑾᒃ, ᓀᔥᑕᐱᑯ ᑭᓚᐗᐤ ᑭᒋ ᒥᓕᔦᒃ ᒥᓗᐋᓕᒧᒥᐌᐎ ᒪᓯᓇᐃᑫᐎᓇ? 2 ᑭᓚᐗᐤ ᐁᐗᑯ ᓂ ᒪᓯᓇᐃᑫᐎᓂᓈᓐ, ᐁ ᒪᓯᓂᐃᑳᑌᒃ ᓂᑌᐃᓈᒃ, ᐁ ᑭᔅᑫᓕᑕᑭᒡ ᓀᔥᑕ ᐁ ᐋᔭᒥᑖᒋᒃ ᒥᓯᐌ ᐃᓕᓕᐗᒃ: 3 ᐁ ᐹᔦᑌ ᓄᑯᑖᓂᐗᒃ ᑭᓚᐗᐤ ᐁᐗᑯ ᐅ ᒪᓯᓇᐃᑫᐎᓐ ᙭, ᑳ ᐋᔭᒥᐋᐎ ᐗᐸᒋᑖᔭᒃ ᓂᓚᓈᓐ, ᐁᑳ ᒪᓯᓂᐃᑲᓈᐳ ᐁ ᐅᒋ ᒪᓯᓂᐃᑳᑌᒃ, ᒫᑲ ᐅᑦ ᐊᒑᑾ ᐅᒋ ᐯᒫᑎᓰᑦ ᑭᒋᒪᓂᑐ; ᓇᒪᐎᓚ ᓇᐸᑳᐱᔅᑯᒃ, ᒫᑲ ᐁ ᐎᔮᓯᐎ ᒥᑌᐃᒃ᙮ 4 ᐅᒪ ᐃᔑ ᒫᑲ ᓂ ᒪᒋᔑᑐᑕᐙᓋᓐ ᑭᒋᒪᓂᑐ ᙭ ᐅᒋ: 5 ᐁᑳ ᐁ ᑲᔥᑭᑖᔮᒃ ᓂᓚᓈᓐ ᑫᒋᐙᒃ ᑫᒀᓐ ᑭᒋ ᒫᒥᑐᓀᓕᑕᒫᒃ, ᒫᑲ ᑭᒋᒪᓂᑐ ᐁᐗᒀᓇ ᑳ ᐅᒋ ᑲᔥᑭᑖᔮᒃ᙮ 6 ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮ 7 ᒫᑲ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᐱᐎᓐ ᑳ ᒪᓯᓇᐃᑳᑌᒃ ᓀᔥᑕ ᒪᓯᓂᔑᑳᑌᒃ ᐊᓯᓂᒃ, ᑳ ᐅᒋ ᐁᑳ ᑲᔥᑭᑖᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᓱᑲ ᑭᒋ ᑲᓇᐙᐸᑕᒸᒋᒃ ᒧᓯᓴ ᐅᑖᔅᑕᒥᑯᓕᐤ, ᐁ ᐃᔅᐱᔑ ᐙᓯᑯᔅᑌᓕᒃ, ᐁᐗᑯ ᐁ ᐙᓯᑯᔅᑌᒃ ᑳ ᐊᑎ ᐹᔑᑯᓈᑾᒃ; 8 ᓇᒪ ᓈ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᐊᒑᑯᒃ ᑳ ᐅᒋᒪᑲᒃ? 9 ᐌᓴ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᔑᐗᓈᒋᐃᒥᐌᐎᓐ, ᐊᐙᓯᑌ ᑖᐺ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐊᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᒀᔭᔅᑭᑖᑎᓯᐎᓐ᙮ 10 ᐌᓴ ᐊᐳᒋᑲ ᐊᓂᒪ ᑳ ᑭᒋᐃᑌᓕᑖᑲᓂᐗᒃ, ᓇᒪᐎᓚ ᐅᒪ ᐃᔑ ᑮ ᑭᒋᐃᑌᓕᑖᑾᓐ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᐸᔅᑭᓛᑫᒃ᙮ 11 ᐌᓴ ᑮᔥᐱᓐ ᐊᓂᒪ ᑳ ᑮ ᐌᐱᐸᓕᒃ ᑮ ᑭᒋᐃᑌᓕᑖᑾᒃ, ᓈᔅᐱᒡ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᑫᔮᐸᒡ ᑳ ᐱᒫᑎᓯᒪᑲᒃ᙮ 12 ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ: 13 ᓇᒪ ᒫᑲ ᑖᐱᔅᑯᒡ ᒧᓯᔅ ᑳ ᑮ ᐃᑕᔅᑕᑦ ᐊᑯᐙᐱᑴᐙᓐ ᐅᑖᔅᑕᒥᑯᒃ, ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᐁᑳ ᓱᑳ ᑭᒋ ᑲᓇᐙᐸᑕᑭᒃ ᐁ ᑭᔑᐱᐸᓕᓕᒃ ᐊᓂᐁᓕᐤ ᑳ ᐳᓂᐸᓕᑖᓂᐗᓂᓕᒃ: 14 ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮ 15 ᒫᑲ ᐱᓕᔥ ᐊᓄᒡ ᐁ ᑭᔑᑳᒃ, ᐃᔅᐱ ᐋᔭᒥᐋᑲᓂᐎᑦ ᒧᓯᔅ, ᐊᓂᒪ ᐊᑯᐙᐱᑴᐙᓐ ᐅᑌᐃᐙᒃ ᐊᔅᑌᓕᐤ᙮ 16 ᐁᓕᐌᒃ ᒫᑲ ᐃᔅᐱ ᑫ ᑴᔅᑭᑐᑖᑯᑦ ᐅᑎᐯᓕᒋᑫᐤ, ᐊᓂᒪ ᐊᑯᐙᐱᑴᐙᓐ ᑲᑕ ᐃᑲᑌᓂᑳᑌᓕᐤ᙮ 17 ᐅᑎᐯᓕᒋᑫᐤ ᒫᑲ ᐁᐗᑯ ᐊᒑᒃ: ᐃᑕ ᒫᑲ ᐁ ᐃᑖᓕᒋ ᐅᑎᐯᓕᒋᑫᐤ ᐅᑦ ᐊᒑᑾ, ᐁᑯᑕ ᐃᑕᑾᒃ ᑎᐯᓕᒥᑎᓯᐎᓐ᙮ 18 ᒫᑲ ᒥᓯᐌ ᐁ ᐃᑕᔑᔭᒃ, ᒧᔐ ᐁ ᐅᑖᔅᑕᒥᑯᔭᒃ, ᐁ ᐙᐸᑕᒶᒃ ᑖᐱᔅᑯᒡ ᐗᐹᒧᐎᓂᐤ, ᐅ ᑭᔅᑌᓕᑖᑯᓯᐎᓐ ᐅᑎᐯᓕᒋᑫᐤ, ᑭ ᑴᔅᑭᓈᑯᐃᑲᐎᓈᓇᐤ ᐊᓂᒪ ᐃᔑᓈᑯᓯᐎᓂᒃ ᑭᔅᑌᓕᑖᑯᓯᐎᓂᒃ ᐅᒋ ᑭᔅᑌᓕᑖᑯᓯᐎᓂᒃ ᐃᔑ, ᑖᐱᔅᑯᒡ ᐅᑎᐯᓕᒋᑫᐤ ᐅᒋ ᑳ ᐊᒑᑯᐎᑦ᙮ |
The text of the Bible in Moose Cree is in the public domain.
Moose Cree New Testament © Canadian Bible Society, 1991.
Canadian Bible Society