ᓂᔥᑕᒻ ᐱᑕᕐ 3 - ᐅᔅᑭ ᑎᔅᑌᒥᓐᑦ

ᐐᐐᒫᐗᒃ ᓀᔥᑕ ᐅᓈᐯᒥᒫᐗᒃ

¹ ᑖᐱᔅᑯᒡ ᓀᔥᑕ ᑭᓚᐗᐤ ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗᒃ; ᑮᔥᐱᓐ ᐊᐌᓇ ᐁᑳ ᑎᐋᐺᑕᒧᐙᑴ ᐋᔭᒥᐎᓂᓕᐤ, ᐁᑳ ᐁ ᐋᐸᒋᑖᓂᐗᓂᓕᒃ ᐋᔭᒥᐎᓂᓕᐤ, ᑭᒋ ᑲᔥᑭᐃᑯᒋᒃ ᐅᑦ ᐃᔑᐱᒫᑎᓯᐎᓂᓕᐤ ᐎᐎᐙᐗ:

² ᐃᔅᐱ ᐙᐸᑕᑾᐌ ᑭ ᐸᓓᑭ ᐃᔑᐱᒫᑎᓯᐎᓂᐗᐤ ᐁ ᐊᓯᒋᐸᓕᒃ ᑭ ᓇᓂᒋᐎᓂᐗᐤ᙮

³ ᑭ ᐙᐌᔑᐅᓂᐙᐗ, ᐁᑳᐎᓚ ᐊᓂᒪ ᐗᓚᐎᑎᒥᒃ ᑳ ᐃᑕᑾᑭ, ᐁ ᐊᐱᑳᒋᒋᑳᑌᑭ ᒥᔅᑎᒀᓂᐱᐌᔭ, ᓀᔥᑕ ᐁ ᐎᓛᒫᑲᓂᐎᑦ ᐅᓵᐎᔔᓕᐊᓇᐱᔉ, ᓀᔥᑕ ᐁ ᐳᔅᑎᔥᑭᑳᑌᑭ ᐎᓛᒋᑲᓇ;

⁴ ᒫᑲ ᐁᑯᔑ ᐊᓂᒪ ᐊᑖᒥᒃ ᐃᑖᑎᓯᐎᓐ ᒥᑌᐃᒃ ᑳ ᐃᑕᑾᒃ, ᐊᓂᒪ ᐁᑳ ᑫ ᓂᔑᐗᓈᑕᒃ; ᐊᓂᒪ ᐙᐌᔑᐅᓐ ᐅᑎ ᓗᔅᐱᓯᐎ ᓀᔥᑕ ᑳᔮᒣᐎᓯᐎ ᐊᒑᒃ ᑳ ᑭᔅᑕᑭᒥᑯᑦ ᑭᒋᒪᓂᑐᐗ᙮

⁵ ᐌᓴ ᐅᒪ ᐃᔑ, ᐌᔅᑳᒡ, ᐸᓓᑭ ᐃᔅᑴᐗᒃ ᓀᔥᑕ ᑳ ᑮ ᒪᒥᔑᑐᑕᐙᒃ ᑭᒋᒪᓂᑐᐗ ᑮ ᐋᐌᔑᐅᐗᒃ, ᐁ ᑮ ᓇᓇᐃᑕᐙᒋᒃ ᑎᐱᓚᐌ ᐅ ᓈᐯᒥᐙᐗ:

⁶ ᑖᐱᔅᑯᒡ ᓭᕋ ᑳ ᑮ ᐃᔑ ᓇᓇᐃᑕᐙᑦ ᐁᑉᕃᐊᒪ, ᓂᑦ ᐅᑭᒫᒻ ᐁ ᐃᔑᓂᑳᑖᑦ, ᐁᐗᑯ ᑳ ᐅᑖᓂᓯᒥᑖᒃ ᐃᓕᑯᒃ ᑫ ᒥᓗᑐᑕᒣᒃ, ᓀᔥᑕ ᐁᑳ ᑫ ᑯᔅᑖᒋᔦᒃ ᓈᓐᑕᐤ ᑐᐎ ᒫᒪᑖᐎ ᑫᒀᓐ ᐅᒋ᙮

⁷ ᑖᐱᔅᑯᒡ ᓀᔥᑕ, ᑭᓚᐗᐤ ᓈᐯᑐᒃ, ᐎᒋᑕᔑᑫᒥᑯᒃ ᐁ ᐃᔑ ᑭᔅᑫᓕᒋᑳᑌᒃ, ᐁ ᑭᔅᑌᓕᒣᑾᒃ ᑭᐎᐗᐗᒃ ᑖᐱᔅᑯᒡ ᑳ ᓕᓚᒪᒃ ᐊᓱᐗᒋᑲᓐ, ᑖᐱᔅᑯᒡ ᓀᔥᑕ ᐁ ᐃᑌᓕᑖᑯᓯᔦᒃ ᑭᒋ ᐊᑎ ᐋᔭᔦᒃ ᐱᒫᑎᓯᐎᓂ ᔕᐌᓕᒋᑫᐎᓐ; ᑭᑦ ᐋᔭᒦᐋᐎᓂᐙᐗ ᐁᑳ ᑭᒋ ᑭᐱᒋᑖᓂᐗᑭ᙮

ᐁ ᐃᔑ ᐎᓴᑫᓕᑕᒃ ᐊᐌᓇ ᐁ ᐅᒋ ᑾᔭᔅᑯ ᑐᑕᒃ

⁸ ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

⁹ ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

¹⁰ ᐌᓴ ᐊᓇ ᑳ ᐎ ᓵᑭᑖᑦ ᐱᒫᑎᓯᐎᓂᓕᐤ, ᓀᔥᑕ ᐙᐸᑕᒃ ᒥᓗ ᑭᔑᑲᐗ, ᐁᑯᔑ ᑲᑕ ᑲᓇᐌᓕᑕᒻ ᐅᑌᓚᓕ ᒪᒋ ᐋᔭᒥᐎᓂᓕᐤ ᐅᒋ, ᓀᔥᑕ ᐅᑐᓐ ᐁᑳ ᐸᑾᓐᑕᐤ ᑭᒋ ᐋᔭᒥᑦ:

¹¹ ᐁᑯᔑ ᑲᑕ ᐌᐱᓇᒻ ᑳ ᒫᓛᑕᓂᓕᒃ, ᑲᑕ ᑐᑕᒻ ᒫᑲ ᑳ ᒥᓨᔑᓂᓕᒃ; ᐁᑯᔑ ᑲᑕ ᓈᓇᑕᐌᓕᑕᒻ ᑳᔮᒣᓕᑕᒧᐎᓂᓕᐤ, ᑲᑕ ᓄᔅᐱᓇᑕᒻ ᒫᑲ᙮

¹² ᐌᓴ ᐅᑎᐯᓕᒋᑫᐤ ᐅᔅᑭᔑᑾ ᐅᒋ ᑲᓇᐙᐸᒣᐤ ᐅᒀᔭᔅᑭᑖᑎᓯᐗ, ᓀᔥᑕ ᐅᑖᐗᑳᔭ ᐋᐸᐋᔅᑌᓂᐗ ᐁ ᐋᔭᒥᐋᓕᒋ: ᒫᑲ ᐅᑎᐯᓕᒋᑫᐤ ᑭᔑᐙᐸᒣᐤ ᐊᓂᐃ ᑳ ᒪᒋᑐᑕᒥᓕᒋ᙮

¹³ ᐊᐌᓇ ᐊᓇ ᒫᑲ ᑫ ᒪᒋᑐᑕᑖᒃ ᑮᔥᐱᓐ ᓄᔅᐱᓈᑕᒣᑴ ᐊᓂᒪ ᑳ ᒥᓨᔑᒃ?

¹⁴ ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;

¹⁵ ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ:

¹⁶ ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

¹⁷ ᐌᓴ ᐊᐙᓯᑌ ᒥᓨᔑᓐ, ᑮᔥᐱᓐ ᐁᑯ ᐃᔑ ᐃᑌᓕᑕᒃ ᑭᒋᒪᓂᑐ, ᑭᒋ ᐅᒋ ᐎᓴᑫᓕᑕᒥᐃᑲᐎᔦᒃ ᐁ ᒥᓗᑐᑕᒣᒃ ᐃᔥᐱᔥ ᐁ ᒪᒋᑐᑕᒣᒃ᙮

¹⁸ ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

¹⁹ ᐊᓂᒪ ᓀᔥᑕ ᑳ ᑮ ᐅᒋ ᓇᑕᐎ ᑲᑫᔅᑭᒫᑦ ᐊᒑᑾ ᑭᐸᐅᑐᐎᑲᒥᑯᒃ:

²⁰ ᐊᓂᑭ ᐌᔅᑳᒡ ᑳ ᑮ ᐋᓉᔦᓕᑕᒧᐙᑯᐸᓀ, ᐃᔅᐱ ᐯᔭᑾᐤ ᐅ ᔑᐱᓚᐌᓯᐎᓐ ᑭᒋᒪᓂᑐ ᐁ ᑮ ᐯᐃᐌᒪᑲᓂᓕᒃ ᒣᒀᒡ ᐁ ᐅᑭᔑᑳᒥᑦ ᓄᐊ, ᒣᒀᒡ ᐊᓂᒪ ᐊᕐᒃ ᐁ ᑮ ᐋᔦᔅᑲᐎᑖᓂᐗᒃ, ᐃᑕ ᒐᑲᐙᔑᔥ, ᐁᐗᑯ ᔭᓈᓀᐤ ᐊᒑᑾᒃ ᑳ ᐅᒋ ᐱᒫᒋᐋᑲᓂᐎᒋᒃ ᓂᐱᒃ᙮

²¹ ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

²² ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮