EEWEDEO 5 - Wanaadi A'deddu

¹ Edääje Wanaadi wwono wa’deuwödööje weiñä töweiye nai: Ñäädä soto, Wanaadi wwono wa’deuwödööje e’taajä, netaadawa’caja soto jäcäinchädäiñe Wanaadi wwä töwa’deuwemööje. Täjemjönö u’ajä Wanaadi wwä ecammaneije töwö töweiye nai, saaquidiijiisiyo tödööneije mmaja, soto cone’nadiiyöcoomo choccajootojooje.

² Töwö tumjunne töneene weneene ñanno towaanojo’nemjöncomo, shaadijanga’como mmaja, töwö jäduuje’da weiñä tönooneja töweijäcä mmaja.

³ Yääje yeijäcä töwö saaquidiijiisiyo tönnöe weneene, töcoone’nadiiyö choccajootojooje, sotoocomo cone’nadiiyö choccajootojooje mmaja.

⁴ Töwoije mmädä Wanaadi wwono wa’deuwödööje ääwaaca’da weiñä nai; Wanaadi ne’tädö woije deaane, Aadón cönä’ja’döje mmaja.

⁵ Yääje mmaja Quidiito cönä’jaacä; töwoije mmädä’da töwö cönääwaacai Wanaadi wwono wa’deuwödööje, Wanaadi woije deaane. Edääje Wanaadi cönä’döaacä Jesuuquidiito wwä: Önnedö amäädä; eduuwa aweichö wutui; quee.

⁶ Edääje mmaja Wanaadi cönä’döa’dea chäwwä, dha’deddu imennaajä jäcä naadö: Amäädä Wanaadi wwono wa’deuwödööje ma, yeichöödäje töweiyemööje, Mequiisedeeque cönä’ja’döje mmaja; quee Wanaadi cönä’döaacä Jesuuquidiito wwä.

⁷ Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.

⁸ Wanaadi nnedööje töweichaame töwö Quidiito töwäntunamjödö que cönoowanoomai Tumö woije töweichö.

⁹ Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

¹⁰ Wanaadi chea Jesuuquidiito cöne’täi töwwono wa’deuwödööje, Mequiisedeeque cönä’ja’döje mmaja.

Ecamjödö e’nomjadö tönoiñe yeichö

¹¹ Yää jäcä jooje sö’jato täcammajä’emö töweiye naadö’je ñaa wwä; yaawääne’, äwwäiñe ecammaque’jönö na, aashicha etaajai’chaane aweiya’como.

¹² Owaanomannamoojeene meichädöödö’je eduuwa änwanno, numa äwä’döeetöcoomo’da. Dha’da maato, towaanomaamoje dea maato Wanaadi a’deddu sö’jemjönö’cä jäcä. Shiichu’cä shuushu ennei töweiye naichöje maato, ijuunu tänääjai’cha.

¹³ Ñäädä shuushu jäcuinchato chäänönge weiñä dhowaanäcä’da na, mude’cä’cäje dea töweijäcä.

¹⁴ Äwanshi ñeene mmaane na inchoncomo ewanshiñööcomooje. Ñanno dhowaanäcäiñe na aashichaato edantädö, conemjönö edantädö jeiñe mma, weiñä tö’tammecöödö jäcä töwäämu’ca töweichomjäcä.