DOMAANO 7 - Wanaadi A'deddu

Tö’dhato nönge cöweichöcoomo

¹ Änwanno jimmä, waanontänä dhowaanäco’como, ¿odhoowanääcäiñe jönca nai waanontänä soto anontäjai yeichö nudä yeichö dea mma?

² Wodi töiñocaato töweiye naichö naane’, töiño nudä yeichö töiño jadoonoje na, waanontänä wä’dödö woije. Töiño wääma’jäcä mmaane yää waanontänä nanontädööje’da na yaawä.

³ Yääje yeijäcä töiño nudä dea yeichö anejja dhanwa jadä yä’döa’jäcä imaasuduichadö yää. Dha’da ’quene töiño wääma’jäcä yää waanontänä nanontädö woije’da na yaawä; imaasuduichadööjönö eijai ña yaawä anejja dhanwa jadä yä’döa’jäcä.

⁴ Mädääje mmaja änwanno jimmä, Quidiito jadoncomo. Änwanno yäämaajä nönge maato jenaado’jä waanontänä wwä, anejja jadoonoje aweichöcoomo wetä. Quidiito jadoonoje maato eduuwa, ñäädä töwäämaajo jonno cönaadoncaichö. Quidiito jadä cöweijäcäiñe Wanaadi wwonooje aashichaato tödönnamooje eijai caato.

⁵ Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

⁶ Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

Conemjönö ’je cöweichöcoomo

⁷ ¿Aaquene ä’döjai caato yääje yeiya’jäcä? ¿Conemjönö yää waanontänä, quee ’ja? Ng’jn, conemjönööjönööne. Waanontänä ’je’da ei’jo yoowanääcä’da conemjönö eichö. Anejja nödöödö i’ñeimmadö conemjönööje yeichö yoowanääcä’da eichö yääje waanontänä ä’dö’da ei’jo: “Anejja nödöödö mani’ñeimmai;” quee ä’dö’da ei’jo.

⁸ Yääje waanontänä wä’dödö weijäcä conemjönö jooje’cä cönä’jädu’täi, jooje tujummamjönö ijummajoodö wetä öwwä. Waanontänä ’je’da yeichö mmaane yääjönö wa’cä conemjönö töweiye nai.

⁹ Jenaadä waanontänä ’je’da weichö nudooto wa’cä töweiye wä’jaaquene. Yaawä yää waanontänä conemjönö cöneene’ju’joi öwwä; wäämane yaawä.

¹⁰ Mädääje yää coonecaaneijato’jödö täma mma yeemane yaawä.

¹¹ Conemjönö yencu’täne yaawä yää waanontänä töjääduduuje töweiyancädä; yeemane yaawä chääque.

¹² Aashicha yää waanontänä yeichaame, ñeecammadö aashicha mmaja, chäänönge’da’da.

¹³ ¿Aaquene aashicha Wanaadi waanontädö yeichaame adheemane dea, quee ’ja? Ng’jn, waanontänääjönööne yeemane, conemjönö tödöödööne. Mädääje conemjönö cönääne’ju’joi öwwä. Yää conemjönö aashichaato que yeemane. Mädääje yää waanontänä conemjönö cöneenejoi yaawä öwwä conemjönööje yeichö.

¹⁴ Cönwanno cowaanäcäiñe na waanontänä aashicha yeichö; öwööne chäänönge’da wa, juunu woije wei’she. Conemjönö wwä töwä’tue wäänene, dhanoonöje weichö wetä.

¹⁵ Önnödö yoowanääcä’da weneene; yääne waacö’jönööne tönnöe wäänene.

¹⁶ Yää tödö’se’da wääneneedö tödöödawä öwwä, waanontänä chäänönge yeichö töntö’tamme’que wäänene.

¹⁷ Öwööjönööne yää wödööa, conemjönööne, yää do’taca naadö.

¹⁸ Yoowanääcä na aashichaato ’je’da weichö; aashichaato tödö’se’jödö mma wäänene, yaawääne’ tödööjai’chaane.

¹⁹ Yää aashichaato tödö’se wääneneedö ännö’da wäänene; conemjönö mmaane tönnöe wäänene, yää tödö’se’da wääneneedö.

²⁰ Yää tödö’se’da wääneneedö öwwä tödööa’jäcä öwööjönööne wödööa, conemjönö do’taca naadööne.

²¹ Mädääje na; aashichaato tödö’se weichäimma conemjönö ’je weichö mma töwäädantä wäänene.

²² Öwö tö’tajäätödö jaiñoone Wanaadi waanontädö waacö’je na;

²³ juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

²⁴ Mädääje wentumje wäänene. ¿Anääcö yeewanaacajai ñai juunu nijummadö jonno, yää wäämatoojoje naadö jonno?

²⁵ Wanaadi mma yeewanaacajai ña, Cädhaajotoncomo Jesuuquidiito ai. Yääje yeijäcä aashicha wa’deutojooje töwö Wanaadi ña. Mädääje na; tö’tajäätödö que Wanaadi waanontädö woije wäänene, juunu mmaane conemjönö anoonöje weneene.