Salmos 131 - Sharanahua: Diospan Tsain

Nocon Ifo Diosi icoinra huashon cufincahuun

¹ Uhuun Ifon, uncai cacapaimisima. Uhuun nomuranshoncai un shinanquin isca huaima, —Futsafocai ua cuscara sharama. Unfin ato finoncoianquin, —ishoncai un shinainma. Diosin fustitofin nantifi tapicoianquin. Ahuarafo nocon Ifo fustiton tapia cuscacai afohuunoacai un shinainma.

² Ascara shinantamarocon nan facun shoma shatuashu ahua fu icashu unimatiro. Nanscarifi ai urifi uhuun nomuranshon un Ifo icoinra huacoinni. Uncai ahua chaca shinainma un unimai. Nan facushta ahua fu icashu unimatiro cuscan urifi Ifo Dios fu un icaino uhuun nomuran fucashtama un unimacoinni.

³ Israelifoan manfin Diospan ahuun yorafoquin. Ascan natian Ifon icoinra huaquin unupacuyamacahuun.