Salmos 127 - Sharanahua: Diospan Tsain

Nocon Ifo Diosin nantifi ahuamamishti noco huashomisi

¹ Nocon Ifo Diosin pushu oni huayamaino pushu yonomisifo ipaitsi yonotirofo. Nocon Ifo Diosin pushu rasi cushuyamaino pushu cushumisifori ipaitsi cushutirofo.

² Nocon Ifo Diosin nocohuun noi. Ascacun iscara shinanyamacahuun, —Unfin nan shafaino moi. Ascashu un yonoi nan faquishiaitian un unutiro. Un ascara yonoyamaino un non uhuun ahuin non uhuun facufoan ahua piyamai fonin natiroran, —ishon anori shinanyamacahuun. Nocon Ifoan noco noiquin noco tunumaquin noco shara huai non osha sharanon.

³ Nocon Ifo Diosifin noco facufo inanquin noco shara huashquin.

⁴ Nocofunun noicasmacaquin chaca huaifoan ahuun piacati futan ahuun pian afiri numatiro. Nanscarifi ai pushcoaiton ahuun apa cushusharatiro ahuara chaca finononma.

⁵ Ratora futsa facu ichapaya unimatiro. Nan noicasmaifoan niaifo yoitiro nan apa chaca huaifoan. Asca huafiaifono facu pushcofoan nan apa ahuara chaca shara huashotiro ahua chaca finononma.