Salmos 124 - Sharanahua: Diospan Tsain

Diosin ahuun yorafo aton Numamisi

^1-3 Ascan man Diosi ahuun yorafoquin yoiquin isca huacahuun, —Nocon Ifo Diosin fu non iyamaino nan noco noicasmamisifoan nocoqui sinacaquin noco rutuqui cuyo cuanafo, —nannori Israelifo yoitiro.

^4-5 Faitahuanun pushu paonhuacaino unu muran pushu pacutiro afanancai tsoan nan pushu fuchitiroma. Nansca huaquin pushufo maoquin futsatiro. Nanscarifi ai nocon Ifo Diosi noco fu rafuyamaino noco noicasmamisifoan sinacaquin nocon mai anoshon noco potaquin futsa cuanafo.

⁶ Ascacun nocon Ifo Diosin ato nitumana nocoqui nocononfoma. Ascacun non nocon Ifo yoiquin isca huai, —Aicho, nocon Ifo Diosin, min noco numa noco noicasmaifoan noco ahuusca huanonfoma, —ishon non nocon Ifo yoinon.

⁷ Puiya trampa muran iquiashu caicaintiro cuscan norifi non samamashta carisca noco noicasmamisifoan noco ahuusca huanonma. Nan trampa cuscaran chacanaino non ichoa.

⁸ Nan nocon ahuara huashomisifin nocon Ifoquin. Nanton nantifi nai murannoa non mai anoafori onihuani.