Salmos 121 - Sharanahua: Diospan Tsain

Ifon, minfin noco cushumisiquin

^1-2 Un machifo oinquin un shinan isca huaquin, —¿Na machifoanmun ua ashotiroquin? —ishon un shinan. Ma. Ascan na machifoancai ua ashotiroma. Nan nocon Ifon Diosi fustitofin ua ashotiroquin. Nantofin nantifi onihuaniquin. Machifo yafi mai anoafoti nantifi nai murannoafori oni huani.

³ Nocon Ifo Diosin noco cushushara non oroshcomui cafiscai non pacunonma. Nanton noco cushusharai nancai oshapacunacama.

⁴ Icon nocon Ifo Diosin ahuun yorafo nan Israelifo cushufafaini. Nancai atsanayamacain oshamisima.

⁵ Nocon Ifon Diosifin noco cushuaquin. Nanfin no fu niaquin. Noco farin tsacanonma noco mata huashoshara.

⁶ Ascan nan nocon Ifoan noco cushuaino noco farin shafatan ahuusca huanonma. Yamuri oshun chashashon noco chaca huanonma.

⁷ Nocon Ifon Diosin noco cushuainocai nocoqui ahua chaca nocotiroma. Non niyocun noco cushusharatiro.

⁸ Ascan non caitori nocon Ifo Diosin noco cushufain non oaitonri noco cushui. Natianri noco cushuquin unupacunacama.