Josué 5 - Sharanahua: Diospan Tsain

Nocon Ifo Diosin ahuun oinmatifo a fu nai muran ica aton niaifo Josuéqui noconi

¹³ Josué Jericó chaimashta nishon nocofunu ahuun nopu tsomashu nia oinni. Ascano Josué aqui caashon yocani, —¿Min no fu ipaiyamarai noco noicasmaifo fu min iquimun? —ishon yocaiton.

¹⁴ —¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

¹⁵ —Nan min nii ano nocon Ifo Diosin mi fu nuno. Ascanofin nuno sharaquin. Min sapato pucahuun min Diosin Ifoacoinna cuscan mia yoiai cuscan min anon. Ascashon min ismasharanon, —ishon Diospan oinmati nai murannoafo aton niaifoan Josué yoini.