Génesis 36 - Sharanahua: Diospan Tsain

Esaú ahuun funafo

¹ Natian un mato tapimai Esaú ahuun funafo. Esaú ahuun anu futsa Edom.

² Esaú Canaán anoa ainfo rafu non fusti fini. Futsan ahuun anu Adá. Elón Hitita ahuun facu. Futsari Aholibama. Anápan facu. Zibeón ahuun chata. Nan Zibeón Heveofo ini.

³ Esaú ahuun ahuin futsari Basemat nan Ismael ahuun facu. Nebaiot ahuun chico.

⁴ Esaú ahuin Ada facuya. Ahuun facu anu Elifaz. Ahuun ahuin futsan Basemat nanrifi facuya ahuun anu Reuel.

⁵ Ahuun ahuin futsan Aholibama ahuun facufoan ato anufo Jeús non futsari Jaalam futsan Coré. Nanfofin Esaú ahuun facufo Canaán ano icashu cainnifoquin.

⁶ Ascano Esaú ahuun ahuinfo non ahuun facufo non a fu icafo mai futsari ato iyoni ahuun ushto Jacob pashafainni caaquin. Ahuun inafo ya ahuun ahuarafo Canaán anoa cuyofoni.

⁷ Ahuun ushto fu ina ichapayacoianshu chipocumaqui pashcacainni. Ahuun inafo ahua pimatiroma oin mai futsa ari cani.

⁸ Ascacun Esaú ahuun anu futsa Edom mai ahuun anu Seir ano cani. Nanno machi cuya ichapa.

⁹ Esaú ahuun funafohuunoa cununi isca huaquin. Esaú nan Edomitafo aton shuni. Nan Edomitafo Seir machi cuya ichapa ano icafo ini.

¹⁰ Afanan Esaú ahuun facufoan aton anufo. Elifaz Adápan facu. Nan Ada Esaú ahuin. Reuel Basemat facu. Nanrifi Esaú ahuun ahuin futsa.

¹¹ Elifaz ahuun facufoan aton anufo Temán non Omar non Zefo non Gatam non Cenaz.

¹² Elifaz ahuun ahuin futsa ahuun anu Timna. Aqui facu ani ahuun anu Amalec. Amalecfoan aton shuni Ada Esaú ahuin.

¹³ Reuel ahuun facufoan aton anufo Nahat non Zera non Sama non Miza. Aton shuni Basemat Esaú ahuin futsan.

¹⁴ Aholibama Esaú ahuin futsari. Ahuun facufoan aton anufo Jeús non Jaalam non Coré. Aholibama Anán facu ahuun chata Zibeón.

¹⁵ Esaú ahuun facu iyoaton Elifaz ahuun funafoan aton anufo Temán non Omar non Zefo non Cenaz non

¹⁶ Coré non Gatam non Amalec. Nanfo niaifofo Edom mai anoafo. Nanfo Ada ahuun funafo.

¹⁷ Reuel ahuun facufo niaifofoan aton anufo Nahat non Zera non Sama non Miza. Edom mai ano inifo. Nanfo Basemat funafo. Nan Basemat Esaú ahuin futsa.

¹⁸ Nan ainfo Aholibama Anápan facu. Ahuun funu Esaú. Ahuun facufo niaifofoan aton anufo Jeús non Jaalam non Coré.

¹⁹ Nantifi nanfo Esaú funafo. Esaú ahuun anu futsa Edom. Nanfo aton caifofoan aton niaifofo.

²⁰ Nan nocofunu Seir Horeo caifo. Edom ano ipaoni. Ahuun facufoan aton anufo Lotán non Sobal non Zibeón non Aná non

²¹ Disón non Ezer non Disán. Nanfo Horeofoan aton niaifofo. Nanfo Edom ano ipaonifo.

²² Ascano Lotánpan facu rafu aton anu Horí yafi Hemam. Lotán ahuun poi Hemam.

²³ Sobal ahuun facufoan aton anufo Alvan non Manahat non Ebal non Zefo non Onam.

²⁴ Zibeón ahuun facu rafu aton anu Aiá yafi Aná. Nan Anápan tsoa istaipamashon ahuun inafo nan burrofo pimaquin unu afain tsosia shara fuchini.

²⁵ Nan Aná facu rafuya furonanfacu ahuun anu Disón yafi ainfacu ahuun anu Aholibama ini.

²⁶ Disón ahuun facufoan aton anufo Hemdán non Esbán non Itrán non Querán.

²⁷ Ezer ahuun facufoan aton anufo Bilhan non Zaaván non Acán.

²⁸ Disán ahuun facufoan aton anufo Uz non Arán

²⁹ Horeofoan aton niaifofo aton anufo Lotán non Sobal non Zibeón non Aná non

³⁰ Disón non Ezer non Disán. Nanfofin Horeofoan aton niaifofo Seir mai anoa manifoti ini.

³¹ Israelifo niaifoataima nanfo Edomfo aton niaifofo ipaoni.

³² Beorpan facu Bela. Aafin Edomfo aton niaifocoin ipaoni. Pushu rasi Edom muran ahuun anu Dinaba.

³³ Bela naano futsan ahuun mai yononi ahuun anu Jobab. Nan Zera ahuun facu ini. Jobab Bosra anoashu cainni.

³⁴ Jobab naano futsan ahuun mai yononi ahuun anu Husam. Nan Husam Temán mai anoa ini.

³⁵ Husam naano futsan ahuun mai yononi ahuun anu Hadad Bedad facu. Nan Bedad ahuun ranushumuafo fu Madiánfo aton ranushumuafo Moab mai ano aton ichoni. Atirifin rutuaifono atirifi ichoni. Hadad niaifoantian pushu rasi Avit ano iyoni.

³⁶ Hadad naano futsan ahuun mai yononi ahuun anu Samla. Ahuun pushu rasi anoa Masreca.

³⁷ Samla naano futsan ahuun mai yononi ahuun anu Saul. Ahuun pushu rasi Rehobot unu Eufrates cusumunri.

³⁸ Saúl naano futsan ahuun mai yononi Acborpan facu ahuun anu Baal-hanán.

³⁹ Baal-hanán naano futsan ahuun mai yononi ahuun anu Hadad. Ahuun pushu rasi ahuun anu Pau. Hadad ahuin Mehetabel. Nanton Matredpan facu. Ahuun chata Mezaab.

⁴⁰ Nanfo Esaú ahuun funafo. Nanfo mani futsafo ini. Aton anu Timna non Alva non Jetet non

⁴¹ Aholibama non Ela non Pinón non

⁴² Cenaz non Temán non Mibzar non

⁴³ Magdiel non Iram. Esaúrifi ahuun anu futsa Edom. Nannoa icafoan Edomfo aton niaifofo ipaonifo.