Deuteronomio 32 - Sharanahua: Diospan Tsain

Moisés nataima nocon Ifo Diosin na mai shara oinmani

⁴⁸ Nan shafata nocon Ifo Diosin Moisés yoini isca huaquin,

⁴⁹ —Machifo fari oaiquiri mai Moab ano catahuun. Nanno nan machi ahuun anu Nebo ano mapuhuu. Nebo pushu rasi Jericó ocuma futsa ini. Machi Nebo mamaquinoashu mai Canaán ointahuun. Naan mai maton yora Israelifo un ato inanshquin atona inon.

⁵⁰ Nan ointan man min nai. Min ochi Aarón machi Hor mamaquinoashu nani cusca maton shunifo fu iishquin minrifi na machi Nebo mamaquinoashu min nai min shunifo fu iishquin.

⁵¹ Mato rafu unu Meriba-cades anoshon un mato yononi cusca maton yorafoan aton ointaificai man anima. Un fasi sharacoincucai man ato ismanima.

⁵² Ascano na mai shara un min caifofo inain anocai min iquitiroma. Ascafia nan machi Nebo camaqui chaicushon fusti min ointiroran, —ishon nocon Ifo Diosin Moisés yoini.