Matìyò 1 - Ikan feg

Iwaŋ inəbi ìwi Yeso Kristo

¹ Aŋa ya iwaŋ inəbi ìwi Yeso Kristo ŋwan ifɔn Dèvid ni ko ane Abràham:

² Abràham ya yaʼ mbaʼ ìwi Azìg. Azìg ya yaʼ mbaʼ ìwi Jàkɔb. Jàkɔb ya yaʼ mbaʼ ìwi Judà tì məfi məd.

³ Judà ya yaʼ mbaʼ ìwi Perèz tì Zerà. Ìwɔb ngɔb ya yaʼ Tamà. Perèz ya yaʼ mbaʼ ìwi Ezìròn. Ezìròn ya yaʼ mbaʼ ìwi Ram.

⁴ Ram ya yaʼ mbaʼ ìwi Àmìnadàb. Àmìnadàb ya yaʼ mbaʼ ìwi Nasòn. Nasòn ya yaʼ mbaʼ ìwi Samòn.

⁵ Samòn ya yaʼ mbaʼ ìwi Bowàs. Ngɔb məd ya yaʼ Rahàb. Bowàs ya yaʼ mbaʼ ìwi Obèd. Ngɔb məd ya yaʼ Rud. Obèd ya yaʼ mbaʼ ìwi Jesè.

⁶ Jesè ya yaʼ mbaʼ ìwi ifɔn Dèvid. Ifɔn Dèvid ya yaʼ mbaʼ ìwi Solomùn. Ngɔb ìwi Solomùn ya bì yaʼ iweg ìwi Urìyà.

⁷ Solomùn ya yaʼ mbaʼ ìwi Rèwubùwàm. Rèwubùwàm ya yaʼ mbaʼ ìwi Àbijà. Àbijà ya yaʼ mbaʼ ìwi Asàb.

⁸ Asàb ya yaʼ mbaʼ ìwi Jèhosafàd. Jèhosafàd ya yaʼ mbaʼ ìwi Joràm. Joràm ya yaʼ mbaʼ ìwi Uzìyà.

⁹ Uzìyà ya yaʼ mbaʼ ìwi Jotàm. Jotàm ya yaʼ mbaʼ ìwi Ahàz. Ahàz ya yaʼ mbaʼ ìwi Hèzèkayà.

¹⁰ Hèzèkayà ya yaʼ mbaʼ ìwi Mànasè. Mànasè ya yaʼ mbaʼ ìwi Amɔ̀n. Amɔ̀n ya yaʼ mbaʼ ìwi Jòsayà.

¹¹ Jòsayà ya yaʼ mbaʼ ìwi Jèkònayà tì məfi məd. Mbɔb ya yaʼ ane nyùmə̀ we ne mbi ya niŋi mə̀Izre ghò a Babilɔ̀n ane anug ìfèg.

¹² Anyumə̀ ne mə̀Izre ya yaʼi a Babilɔ̀n ane anug ìfèg, Jèkònayà ya yaʼ mbaʼ ìwi Sitìyè. Sitìyè ya yaʼ mbaʼ ìwi Zèrubabè.

¹³ Zèrubabè ya yaʼ mbaʼ ìwi Àbiyùd. Àbiyùd ya yaʼ mbaʼ ìwi Èlìyakìm. Èlìyakìm ya yaʼ mbaʼ ìwi Azɔ̀.

¹⁴ Azɔ̀ ya yaʼ mbaʼ ìwi Zadɔ̀g. Zadɔ̀g ya yaʼ mbaʼ ìwi Akìm. Akìm ya yaʼ mbaʼ ìwi Èliyùd.

¹⁵ Èliyùd ya yaʼ mbaʼ ìwi Èlìyezà. Èlìyezà ya yaʼ mbaʼ ìwi Matàn. Matàn ya yaʼ mbaʼ ìwi Jàkɔb.

¹⁶ Jàkɔb ya yaʼ mbaʼ ìwi Jòseb. Jòseb gho̰ ya inɔm ìwi Mèri we ne ya gwi Yeso we ne mbe kàrà ane Kristo.

¹⁷ Ane, ni nɔ̀ʼ ane Abràham ghò pè ane ifɔn Dèvid ya tiwaŋ inəbi ìghum chɔ̀b ikwè. Ni nɔ̀ʼ ane ifɔn Dèvid ghò pè ane nyùmə̀ we ne mbi ya niŋi mə̀Izre ghò a Babilɔ̀n ane anug ìfèg ya bə̀ tiwaŋ inəbi ìghum chɔ̀b ikwè. Ni bə̀ nɔ̀ʼ ane nyùmə̀ anug ìfèg ghò pè ane Kristo ya bə̀ tiwaŋ inəbi ìghum chɔ̀b ikwè.

Anug imbə̀ʼ icheg ne mbi gwi Yeso Kristo

¹⁸ Aŋa ya icheg ne mbi ya gwi Yeso Kristo angu: Jòseb ya fə nyi igun Mèri we ne yaʼi ngɔb Yeso ni nam. Si ya gha, bɔŋ mbɔb ya se nàma, Azwighi Ŋwiye ya fə ghì Mèri si tìbùmə̀.

¹⁹ Jòseb we ne yaʼi inɔm məd yaya ghìyə̀ inug ne koʼi. Chəyi wì ya bə kə̀b ni gha Mèri bere tìnìrètog inga bəd. Ane, məd ya nɔ̀ŋì ibo inga fìŋ ni ton yi Mèri anjìm anjìm.

²⁰ Anyumə̀ ne wì yaya kiri kɔndɔ, angirə̀ Anɔŋisəg ya yèʼe ibo anjə̀m, pè ghà ibo gha, “Jòseb, ŋwan inga inəbi ifɔn Dèvid, imbə̀ʼ àghò bɔ awe ni niŋ Mèri ane ìwe iweg. À ya Azwighi Ŋwiye ghi wì bɔŋ ibum.

²¹ Məd biri gwi ŋwan mbaŋà. Ikum ne àghò biri chùb ibo ya Yeso imbə̀ʼ icheg ne wì biri chì ìmbi bəd inga ìmbɔb inug tibɔ̀ŋ.”

²² Inug mbo̰ ijìm ya dù kwàʼ icheg ne Anɔŋisəg ya fə che anjìm wə̀dkə̀n Ŋwiye ghà.

²³ Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

²⁴ Anyumə̀ ne Jòseb ya nɔ̀ʼi angwḛ, wì ya fàʼ anug ne angirə̀ Anɔŋisəg ya gha ibo, niŋə Mèri ane ìwi iweg ghò ibo achan.

²⁵ Wì ya niŋ ane, si ya gha, chəyi wì ya fɔti tì məd anene wì gwi ŋwan mbaŋà we. Jòseb ya chùb ikum ŋwan we ane Yeso.