Zaburi 98 - KITABU KITAKATIFU

¹ Mwimbire Yahova ulwimbu luya Kigira u koli vindu vyokugenya: Kigalo kikye kilungi, na mukono mutakatifu gwigwe gu mu koleye ubuhonnyi.

² Yahova u lolekidzi ubuhonnyi bwibwe: U lang'aminyi ubulungi bwibwe mu tsimoni tsya avetsihiri.

³ Yidzulitsi tsimbabasi tsitsye na ubusuuvirifu bwibwe ku inyumba ya Israeli: Tsindulu tsyosi tsyelirova tsi loli ubuhonnyi bwa Nyasaye wetu.

⁴ Mu kupire Yahova isango, lirova lyosi: Mu ginge mwoyo, mwimbe nobuyanzi, yee, mwimbe tsyokwidzominya.

⁵ Mwimbire Yahova nobukana; Nobukana, kandi nomwoyo gwezaburi.

⁶ Nekisiliva kandi nomwoyo gwelilere Mu kupire isango imbiri wa Mwami, Yahova.

⁷ Inyanza i Iwume, halala na vyosi vizuye mu; Lirova, na vosi ava menya mu;

⁸ Migera gyi kupage amakono; Vigulu vyimbe nobuyanzi halala

⁹ Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.