Zaburi 95 - KITABU KITAKATIFU

¹ Gendi, Kwimbire Yahova; Ku kupire lwanda lwobuhonnyi bwetu isango.

² Ku tsie imbiri wewe nelisantidza; Ku mu kupire isango mu tsizaburi.

³ Kigira Yahova a veye Nyasaye munene, A veye M wami munene kuvita avanyasaye vosi.

⁴ A veye noluliva lwelirova mu mkono gwigwe; Vireremu vyevigulu kandi vi veye vivye.

⁵ Inyanza i veye yeye, mwene ya gi lomba; Na makono gege ga lomba kivala kyumu

⁶ Hambi, ku kole miluka nokwinama; Ku sigame imbiri wa Yahova wa ku lomba:

⁷ Kigira a veye Nyasaye wetu, Na kwinye ku veye avandu vekyayo kikye, na magondi gomukono gwigwe. Lero, ni mu va ni mu hulira mwoyo gwigwe,

⁸ Mu ta dinnya myoyo gyenyu kuli mwa kola ha Meriba, Kuli mu lidiku lya Massa mwigendanyama;

⁹ Lwa avaguga venyu va ngeridza, Va mbenzelidza, ni va lola likola lyange.

¹⁰ Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

¹¹ Kigira yaga ndisuha mu butima bwange, Si va lingira mu bwelemeridzi bwange.