Zaburi 91 - KITABU KITAKATIFU

¹ Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

² Nda vola ku Yahova, A veye kyokwivisa mu kyange na lugaga lwange; Nyasaye wange, wa nsuuvira kuye.

³ Kigira a la ku honnya kutwula mu mitego gya uyu u himanga, Nomu lukudzo lwiitanga.

⁴ A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

⁵ U ta tia kigira vyokutihidza vyobudiku mba, Kinga mbano gu lasangwa mbasu;

⁶ Kinga ulukudzo lu gendanga mu kisundi, Kinga lidividza lyononnyanga mbasu hagati.

⁷ Arandu elfu va la gwa ha mbalu hoho, Na tsielfu likumi ha luvega lwomukono gugwo mulungi; Navutiswa si vi lisunda ku ive himbi.

⁸ U la henza netsimoni tsitsyo tsyeng'ine Nokulola madanyi ga avadamano.

⁹ Kigira ive, O Yahova, u veye hokuhonera mu hange U koli Weigulu Iigali kuva ubumenyo bubwo;

¹⁰ Ubudamano si bu la gwa ku ivemba, Kandi iplegi si i liiunda himbi ku lihema lilyo mba.

¹¹ Kigira a la laga tsingelosi veve ku ive, Va ku linde ku tsinzira tsitsyo tsyosi.

¹² Va la ku ginga mu makono gavo, Gase u la duya kirenge kikyo ku ligina.

¹³ U la duvaga king'ang'a na kihirigoma: U la duvagira king'ang'a kisoleli na inzoka isi wevirenge.

¹⁴ Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

¹⁵ A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

¹⁶ Nda mwigutidza nobutambi bwamadiku manyingi, Na nda mu mannya ubuhonnyi bwange.