Zaburi 85 - KITABU KITAKATIFU

Ku Munene Wetsinyimbu; Zaburi ya avana va Kora.

¹ O Yahova wa vera tsimbabasi kivala kikyo; Wiranyi lilanywa lya Yakobo.

² U samehi ubukyamu bwa avandu vovo; U kuniki ubwoni bwavo bwosi. [Selaha

³ U twulidzi ubutima bubwo bwosi; Wetwulidzi mwene ku ubululu bwobutima bubwo.

⁴ U kwirannye, O Nyasaye wobuhonnyi bwetu, Nokuheridza ubutima bubwo ku kwinye.

⁵ U la ku vihirirwa mihiga nemihiga? U la sunda ubutima bubwo ku visukululwi vyosi?

⁶ Si u lirana kukuwkidza, Avandu vovo va duke kusangala mu ive?

⁷ U ku mannye tsimbabasi tsitsyo, O Yahova Na u ku he ubuhonnyi bubwo.

⁸ Nda hulira aga Nyasaye Yahova a la vola Kigira a la volera avandu veve mirembe, kandi avatakatifu veve: Nawtswa va wle kwirana ku vyawtswa.

⁹ Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

¹⁰ Tsimbabasi na ageligali vi vugani halala; Ubulungi na mirembe vi busani.

¹¹ Ageligali ga sebuka mu lirova Na uhulungi bu henzi kutwula migulu.

¹² Yee, Yahova a la haana kyobulahi; Na kivala kyetu ki la haana lyama lyakyo.

¹³ Ubulungi bu la mwimirira, Nokulombera ligenda lilye, inzira.