Zaburi 8 - KITABU KITAKATIFU

Ku Munene Wetsinyimbu; Zaburi ya Daudi

¹ O Yahova, Mwami wetu, Lieta lilyo li dukana nelidzominywa ndi mu lirova lyosi, Ive u viki ubukumi bubwo igulu womigulu

² U singiridza tsingulu kutwula mminwa gya vana vadoto na gya avanunanga, Kigira avasigu vovo U duke kukiring'annya musigu, na umbanzi wekisalya.

³ Lwa nganagana migulu mumwo, miyinzi gyevidete vivyo, Mweli na tsing'ereng'ani, vya ive wa lomba;

⁴ Mundu a veye ikindu ki, ive u duke kumwidzulitsa? Kinga mwana womundu, a veye ikindu ki, u duke kumuhenza?

⁵ Kigira u mu koli kuva mugeheru hakekeke ku tsingelosi, U mu viki itaji yobukumi na yelidzominywa.

⁶ No ku mwamehidza ku miyinzi gyamakono gogo; Na u mu vikiye vindu vyosi isi wevirenge vivye:

⁷ Magondi gosi na tsing'ombe tsyosi, Yee, na tsinyama tsyosi tsyomigendanyama,

⁸ Amanyonyi gombwerefu, na tsisudzi tsyomu inyanza, Na vyosi vi vitanga mu mihanda gyetsinyanza.

⁹ O Yahova, Mwami wetu, Lieta lilyo li dukana nelidzominywa ndi mu lirova lyosi