Zaburi 74 - KITABU KITAKATIFU

Zaburi ya Asafu.

¹ O Nyasaye, kigira ki u ku kungi mihiga nemihiga? Kigira ki ubutima bubwo bu vuyidza mwoki ku magondi gobwayi bubwo?

² Widzulitse livugana lilyo lya wa gula kale, Lya wa nanula kuva ihiri yemiyamdu gyigyo; Widzulitse kigulu kya Zioni kya wa menya mu.

³ U ginge virenge vivyo ku vyanyi vya kale, Ku vyobudamano vyomusigu a koli mu hatakatifu.

⁴ Avasigu vovo va humi mu livu gana lilyo; singeridzi tsibendera tsyavo kuva lilolekidza.

⁵ Va loleka kuli avandu ava ginga Tsimbadzi ku misala gyomulitu.

⁶ Na kalunu vyavadzwa vyaho vyosi Vononnya nembadzi na tsinyundu.

⁷ Va hambidzi muliru mu hatakatifu hoho; Vononnyi hango helieta lilyo li menya ku litsoma hasi ku lirova.

⁸ Va vola mu mwoyo gwavo, Ku vononnye ligali: Va sambi hokuvugana hosi ha Nyasaye ha veye mu kivala.

⁹ Si ku lola lilolekidza lyetu: Kandi muprofeti si a tigala; Kandi si ha veye ku kwinye umanyi tsinyinga tsyanga.

¹⁰ O Nyasaye, mudambidzi a la nyega kuduka inyinga ki? Musigu a la lega lieta lilyo mihiga nemihiga?

¹¹ Kigira ki ive u twulidzanga mukono gugwo, kali mukono gugwo mulungi? U gu tuulidze mu kiritu kikyo, u va dividze.

¹² Navutswa Nyasaye a veye Mwami wange wa kale, A kolanga ubuhonnyi hagati helirova.

¹³ Wa vukannya inyanza netsingulu tsitsyo: Wononnya mitwe gyetsinyama tsinene tsyommadzi.

¹⁴ Wononnya mitwe gyoguyoka; Kandi wa gu kola kuva vyokulia vya avandu vomigendanyama.

¹⁵ Wa vukannya kisenukiru na mugera: Wuminya migera gyi vula kuhera.

¹⁶ Mugamba nu gugwo, kandi ubudiku nu bubwo: U lombi kyokulavidza ubudiku na liuva.

¹⁷ Na ive u viki tsinzako tsyosi tsyelirova; Ive u lombi kimeyu na inkindirira.

¹⁸ Widzulitse yaga, musigu u nyegi ive, O Yahova, Na avandu vobusiru va legi lieta lilyo.

¹⁹ U ta haana inyama yombulimu mwoyo gwelikuulu lilyo: U tivirira livamwoyo lyavadaka vovo mihiga nemihiga.

²⁰ U henzeridze lilagana; Kigira liva lyekisundi kyelirova lizuye bumenyo bwekirage.

²¹ Mudambidzwi a tirana netsisoni mba: Mudaka na mudambi vidzominye lieta lilyo.

²² U singire, O Nyasaye, u sole likuva lilyo: Widzulitse kuli musiru a ku nyega mbasu bei.

²³ U tivirira mwoyo gwavasigu vovo: Liyoga lya yavo ava twuliranga ive, li ninanga igulu kazozo.