Biblia Todo Logo
Bìoball air-loidhne

- Sanasan -

Zaburi 66 - KITABU KITAKATIFU


Ku Munene Wetsinyimbu. Lwimbu Zaburi

1 Mu kupe isango ku Nyasaye, lirova lyosi;

2 Mwimbe ubukumi bwelieta lilye: Mu kuminye lidzominywa lilye.

3 Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

4 Lirova lyosi li la sigamira ive, Nokwimba ku ive; Va limbira lieta lilyo. [Selaha

5 Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.

6 Ya girunkannya inyanza i gwe kivala kyumu; Vambuka mugera nevirenge: Ha zana kwa mu sangalira ho.

7 Yamehanga netsingulu tsitsye mihiga nemihiga; Tsimoni tsitsye tsi henza avetsihiri: Avatingu va tenenehidza avene. [Selaha

8 Mu gasidze Nyasaye wetu, mwinye avetsihiri, Mu hanzuke lwanga lwelidzominywa lilye;

9 U vikanga mwoyo gwetu mu bulamu, Na si a leka virenge vyetu kudengeya.

10 Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

11 Wa ku vika mu mutego; Wa ku vika viliduhu ku vikenge vyetu.

12 Wa gendidza ava nina ku tsiparasi, igulu ku mitwe gyetu; Kwa vita mu muliru na mu amadzi; Navutswa ive wa ku twulidza mu nokukuvika hobuhindahalu.

13 Ndingira mu inyumba yoyo nevi haanwa vyokusambwa; Nda haana ku ive vya nda lagananive,

14 Vye minwa gyange gya vola, Na vya munwa gwange gwa vola inyinga nda li mu kivi.

15 Nda ku letera vihaanwa vyokusambwa vyobunolu, Halala nelivuyidza kimuli kyamagondi makole; Nda haana tsigiriki na tsimbuli. [Selaha

16 Hambi, mu hulire, mwinye vosi avatidzanga Nyasaye, Na nda mu volera aga u koleye mwoyo gwange.

17 Ndanira kuye nomunwa gwange, Na ya kuminywa nolulimi lwange.

18 Ni mba ni nyanza ubudamano mu mwoyo gwange, Mwami si a la mbulira mba:

19 Navutswa Nyasaye u huliye; U tegidzi gutu gwigwe ku mwoyo gwelisaala lyange.

20 A gasidzwe Nyasaye, U vuli kweleha lisaala lyange, Kinga tsimbabasi tsitsye ku inze.

©Bible Society of Kenya, 1967

Bible Society of Kenya
Lean sinn:



Sanasan