Zaburi 57 - KITABU KITAKATIFU

Ku Munene Wetsinyimbu; ku bukana Zaburi ya Daudi lwa yiruka Saulo mu luhangaywa

¹ U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

² Ndanira Nyasaye Weiguhl Ligali, Ku Nyasaye u ndukidziranga vyosi.

³ A la tuma kutwula migulu, kunkonya, Lwa uyu wenya kummira a ng'ondokira; [Selaha Nyasaye a la tuma tsimbabasi tsyobuyanzi bwibwe nageligali gege.

⁴ Mwoyo gwange gu veye hagati heving'ang'a; Ng'onanga hagati ha yavo avaakanga muliru, Va veye avana vavandu, avamino gavo ga veye matimu na mibano, Na ululimi lwavo lu veye kivavi kyogi.

⁵ U kuminywe igulu yo migulu, O Nyasaye; Ubukumi bubwo bu ve igulu ku lirova lyosi.

⁶ Va lombeye virenge vyange mutego; Mwoyo gwange gwinaminywa hasi: Va yavi ubogo imbiri wange Avene va gwiye mu [Selaha

⁷ Mwoyo gwange gu luviriye, O Nyasaye, mwoyo gwange gu luviriye: Ndimba, yee, ndimba tsyokwidzominya.

⁸ Vuka, ubukumi bwange; vuka, ubukana na lidienyi Inze mwene nda vuka mabwebwe.

⁹ Nda santidza ive, O Yahova hagati ha avetsihiri: Ndimba tsyokwidzominya ive hagati hetsihiri.

¹⁰ Kigira tsimbabasi tsitsyo tsi veye tsinene kuduka migulu Na ageligali gogo ga duka mmalesi.

¹¹ U kuminywe igulu yo migulu, O Nyasaye; Ubukumi bubwo bu re igulu welirova lyosi.