Zaburi 54 - KITABU KITAKATIFU

Ku Munene Wetsinyimbu; ku bukana Zaburi ya Daudi lwa Avazifu va tsia ku Saulo, ni a vola Daudi si yevisi mwene ku kwenye.

¹ U mbonnye, O Nyasaye, nelieta lilyo, Na u nkalagire mu tsingulu tsitsyo.

² U hulire lisaala lyange, O Nyasaye; U tegidze amatu ku makuva gomunwa gwange.

³ Kigira avageni va vuki ku inze, Na avandu avekirage venyi mwoyo gwange: Si va viki Nyasaye imbiri wavo mba. [Selaha

⁴ Henza, Nyasaye a veye mukonyi wange: Mwami a veye ku yavo ava dinyiridza mwoyo gwange.

⁵ A la tunga ubudamano ku bwoni bwa avasigu vange: Ku ageligali gogo u va twulidze.

⁶ Nda ku haanira kihaanwa kyo mwoyo gwobulaliri: Ndidzominya lieta lilyo O Yahova, kigira li veye liiahi.

⁷ Kigira u mbonnyi ku kivi kyosi; Na imoni yange i loli lyenya lyange ku avasigu vange.