Zaburi 48 - KITABU KITAKATIFU

Zaburi ya avana va Kora.

¹ Yahova a veye munene, nowokwidzominywa ligali Mu lidala lya Nyasaye wetu, mu kigulu kikye kitakatifu.

² Li veye lilahi lyekidiguluku, ubuyanzi bwelirova lyosi, Kigulu kya zioni, ku tsimbega tsya kasikasini Lidala lya Mwam; munene.

³ Nyasaye yekoli mwene kumanyekana mu tsinyumba tsyobwami tsitsye, kuva hokwivisa mu.

⁴ Kigira, henza, avami vevungidza avene, Va vita halala.

⁵ Va li lola, ni va genya; Va henda mmwoyo, ni viruka.

⁶ Lidegera lya va gumira ha zana Nobululu kuli mukali wenya kwi vula.

⁷ Ku imbuudza yevugwe Ive wononnya amato ga Tarshishi.

⁸ Kuli ku huliye, ku loli ndiyo Mu lidala lya Yahova wa mahe, mu lidala lya Nyasaye wetu: Nyasaye a la li singeridza mihiga nemihiga. [Selaha

⁹ Ku ganagani tsimbabasi tsitsyo tsyobuyanzi, O Nyasaye, Hagati helitempeli lilyo.

¹⁰ Kuli lieta lilyo li veye, O Nyasaye, Na ndiyo lidzominywa lilyo li veye ku kiheri kyelirova: Mkono mulungi gugwo gwizuye ubulungi.

¹¹ Kigulu kya Zioni ki sangale, Avakana va Yuda va sangale, Kigira likalagira lilyo.

¹² Mu kumbiridze Zioni, mu li vodonkane Mu validze vitaradzi vyalyo;

¹³ Mu henze bulahi tsingaga tsyalyo; Mu ganagane tsinyumba tsitsye tsyobwami: Mu duke kuvolera visukululwi vidzanga.

¹⁴ Kigira Nyasaye uyu ni Nyasaye wetu mihiga nemihiga: A la va mwimiriri wetu kuduka likudza.