Zaburi 46 - KITABU KITAKATIFU

Ku Munene Wetsinyimbu. Zaburi ya avana va Kora Lwimbu lwa vakana vagima.

¹ Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

² Kunangwa si ku la tia, kali lirova li girunkanywa, Na vigulu vi degeridzwa mugati mwenyanza;

³ Kali madzi gagwo ga fwuums nokwiginga, Na vigulu videngeya kigira lyegingira lyavyo. [Selaha

⁴ Gu veye ho mugera gwemigera gyagwo gyi yanzidzanga lidala lya Nyasaye, Hatakatifu ha mahema ga U Veye Igulu Ligali.

⁵ Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

⁶ Tsihiri tsya vihirirwa, ubwami bwa dengeya: Ya vola nomwoyo gwigwe, lirova lya saluluka.

⁷ Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

⁸ Udze, u lole vikolwa vya Yahova, Kuli a kolanga ubwoneku mu lirova.

⁹ A heridza ubulwani kuduka ku kiheri kyelirova; A vunanya ubuta, na a donyannya litimu; A samba magari gobulwani mu muliru.

¹⁰ Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

¹¹ Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha