Zaburi 44 - KITABU KITAKATIFU

Ku Munene Wetdnyimbu. Zaburi ye avana va Kora. Lyegitza.

¹ Ku huliye na amatu getu, O Nyasaye, Avaguga vetu va ku voleye, Vikolwa vya wa kola mu madiku gavo, Mu madiku ga kale.

² Wa kunga tsihiri nomukono gugwo; Navutswa wa va simika: Wa kupidza tsihiri kivi; Navutswa yava wa va landidza.

³ Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

⁴ O Nyasaye, ive u veye Mwami wange: U lage ubuhonnyi ku Yakobo.

⁵ Ku la tsoma avasigu vetu netsi ngulu tsitsyo: Ku lieta lilyo ku la duvaga yava ava vukira kwinye.

⁶ Kigira inze si nda suuvira ubuta bwange, Kandi kivavi kyange si ki nyala kumbonnya.

⁷ Navutswa ive u ku honnyi ku vasigu vetu, Na u viki tsisoni ku yava ava ku dunyira.

⁸ Kwigingiranga mu Nyasaye mbasu bei, Na ku la santidza lieta lilyo mihiga nemihiga. [Selaha

⁹ Navutswa kalunu u ku teye, nokukulegannya, Na si u hereka lihe lyetu.

¹⁰ U ku kola kuvika migongo ku avasigu vetu; Navo ava ku dunyira va ku lanya.

¹¹ U ku haani kuli magondi ga livangwa, Na u ku salannyi mu tsihiri.

¹² U gulidza avandu vovo bugira kunyola kindu, Si u medeki ubutugi bubwo ku kya wa va gulidza.

¹³ U ku kola kuva avandu vokunyegwa ku vatende vetu, Nokuva avelisekwa na avekihenyahenye kuvo ava ku ku mbiridza.

¹⁴ U ku kola kukyaywa mu tsihiri, Nokuva lisung'usirwa mutwe mu avetsihiri.

¹⁵ Mbasu bei lileganywa lyange li veye imbiri wange, Na tsisoni tsyommoni mwange tsi nkuniki,

¹⁶ Kigira mwoyo gwowekihenyahenye na gwowobunyegi, Na kigira musigu na wokuvanza kisalya.

¹⁷ Yaga gosi ga duki ku kwinye; navutswa si ku kwiviriye mba, Kandi si ku tumiki lilagana lilyo nobugadi mba.

¹⁸ Mwoyo gwetu si gwirani inyima mba, Kandi si ku girunkannyi ligenda lyetu kutwula ku inzira yoyo,

¹⁹ Kali ive u ku donyannya ligali ha visalang'ong'o, Na wa kukunika nekiriri kyeliku dza.

²⁰ Ni ku va ni kwivirira lieta lya Nyasaye wetu, Kinga ni ku va ni ku nyira makono getu ku nyasaye wundi;

²¹ Nkano Nyasaye si a lidera inkuva yiyi? Kigira a manya viviswa vyomwoyo.

²² Yee, kigira ive kwiitangwa lidiku lyosi; Ku validzangwa kuli magondi gokwiitwa.

²³ U vuke, kigira ki u gonanga, O Mwami? U singire, u ta ku ta mihiga nemihiga.

²⁴ Kigira ki u visanga mmoni mumwo, Nokwivirira kivi kyetu na lidambidzwa lyetu?

²⁵ Kigira mwoyo gwetu gwinami ku lugukyi: Na munda mwetu mu hambani nelirova.

²⁶ U vuke kukukonya, U ku honnye kigira tsimbabasi tsitsyo.