Zaburi 41 - KITABU KITAKATIFU

Znburi ya Daudi.

¹ A veye nobugasu uyu widzuli tsanga avadaka: Yahova a la mu honnya mu lidiku lyekivi.

² Yahova a la mu denda, na a la mu linda a ve mwoyo, Na a la mu gasidza ku lirova; Na u ta mu vika mu bulaliri bwavasigu veve.

³ Yahova a la mu konya ku kitali kyobudedekere: Mu bulwaye bwibwe u la mu lombera kitali kuva kidoto.

⁴ Nda vola, O Yahova, u mbererere: U honnye mwoyo gwange, kigira nkoli ku ive, ubwoni.

⁵ Avasigu vange va ntalanga ubudamano, ra rola, A la kudza inyinga ki, na lieta lilye li dive?

⁶ Na a va ni yadza kundola a volanga ububehi; Mwoyo gwigwe gwevungidziranga ubudamano: Lwa a vayanga, a bu volanga ku inzira.

⁷ Yavo vosi ava ndunyira va hudziridzana ku inze; Va ganagana ku inze ubudamano.

⁸ Va vola, Ubulwaye ubudamano bu mu gwiriye; Na lwa a gonanga, si a la vuka kandi.

⁹ Yee, gamanyane wange, wa nda suuvira Uyu wa lagira ku bukima bwange, Ya ginga liki lilye ku inze.

¹⁰ Navutswa ive, O Yahova u mbererere, na u mbukidze Nduke kuvavanza kisalya.

¹¹ Ku yaga mmanya ive u nyanziranga Kigira musigu wange si a nguuta mba.

¹² Yee, mu budukiru bwange u nduviridzanga, Na u mbeye kusingira imbiri wowo mihiga nemihiga.

¹³ Yahova, Nyasaye wa Israeli a gasidzwe, Kutwula mihiga nemihiga, kuduka mihiga nemihiga Amini, na Amini