Zaburi 4 - KITABU KITAKATIFU

Lisaalalyelisuuvira lyongolova

¹ Lwa nanga u ntivulire, O Nyasaye wobulungi bwange; Wa mbika mu bwiyangu lwa nda li mu kivi: U mbere tsimbabasi, na u hulire lisaala lyange.

² Mwinye, avana va avandu, kuduka inyinga ki ubukumi bwange bu la girunkanywa kuva lilegwa? Mu la yanza vyavutswa tsinyinga tsyanga, nokwenya ububehi? [Selaha

³ Navutswa mu manye Yahova yeyahuliye uyu u veye mulungi: Yahova a la hulira lwa mu langa.

⁴ Mu degere, na mu ta kola ubwoni: Volerana nomwoyo gugwo gwene ku kitali kikyo, na u kiring'ane. [Selaha

⁵ Mu lete vihaanwa vyobulungi, Kandi mu suuvire Yahova.

⁶ Vanyingi va vola, Ibwaha a la ku mannya ubulahi? Waakidze ubulavu bwommoni mumwo ku kwinye, O Yahova.

⁷ U viki ubusangali mu mwoyo gwange, Ubu vita bwa yavo inyinga ubuswage bwavo na iwaini yavo vya medeka.

⁸ Nda gona nemirembe, na nda nyola tsindolo; Kigira ive, Yahova, weng'ine u mbedzanga kumenya nekilema mwoyo.