Zaburi 36 - KITABU KITAKATIFU

Ku Munene Wetsinyimbu. Zaburi yu Daudi Mutumekiri wa Yahova.

¹ Ubwibaali bwomudamano bu vola mu mwoyo gwange, Si ha li nelitibwa lya Nyasaye imbiri wetsimoni tsitsye.

² Kigira yeyanzidzanga mwene mu tsimoni tsitsye Kuduka ubukyamu bwibwe bu vuli kuvuulika nokudunyirwa.

³ Makuva gomunwa gwigwe gu veye ubukyamu nobugadi: U leki kuva nobugeeri nokukola ubulahi.

⁴ A ganagana ubudamano ku kitali kikye; Yevika mwene ku inzira i ta liindahi; Si a dunyira ububi mba.

⁵ Tsimbabasi tsitsyo, O Yahova, tsi veye migulu; Na ubusuuvirifu bubwo bu duka ku malesi.

⁶ Ubulungi bubwo bu leng'ana nevigulu vya Nyasaye; Likalaga lilyo li veye inyanzainene: O Yahova, ive u honnyanga avandu netsinyama.

⁷ Tsimbabasi tsyobuyanzi tsitsyo, O Nyasaye, tsi veye tsindahi kuli ndi Avana va avandu vivisanga mu kiriri kyetsimbaha tsitsyo.

⁸ Va liguta ligali nobunetu bwenyumba yoyo; Na ive u la va nwehidza ku mugera gwobuyanzi bubwo.

⁹ Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

¹⁰ U mede tsimbabasi tsyobuyanzi tsitsyo ku yava ava ku manya, Na ubulungi bubwo ku avalungi mmwoyo.

¹¹ Kirenge kyobwigingiri ki ta duka ku inze, Kandi mukono gwomudamano gu ta nkunga.

¹² Ava kolanga ubudamano va gwiye yeyo: Va tsomwa hasi, na si va la nyala kuvuka.