Biblia Todo Logo
Bìoball air-loidhne

- Sanasan -

Zaburi 35 - KITABU KITAKATIFU


Zaburi ya Daudi.

1 O Yahova, u hing'ane na yava ava hing'ananga na inze: U lwane na yava ava lwananga na inze.

2 U vugule ikuti na ingavo, U singire kumbera.

3 U twulidze litimu, u ngayidzire yavo ava nondereranga: U volere mwoyo gwange, Inze mbeye ubuhonnyi bubwo.

4 Va leganywe na va ve isoni, yava avenyanga mwoyo gwange; Viranywe inyima, na va ve isoni yava ava ganagananga ubudamano ku inze.

5 Va ve kuli mukuudzi imbiri wembuudza, Ingelosi wa Yahova a Da kunganga.

6 Inzira yavo i ve nekisundi nobuterere Na ingeiosi wa Yahova a va kunganga.

7 Va visira inze mutego gwavo mmbogo, bugira kivune: Bugira kivune va yaviye mwoyo gwange ubwina.

8 Lidiva li mu dukire lwa a ta manya; Na mutego gwa ya visa, gu mu gumire mwene: Mu lidiva zana a gwe mu.

9 Mwoyo gwange gu la sangala mu Yahova: Gu la yanza mu buhonnyi bwibwe.

10 Vigumba vyange vyosi vi la vola, Yahova, ibwaha a leng'ana na ive, Wa honnyanga mudaka ku uyu u veye netsingulu kumuguuta, Yee, mudaka na mudambi ku uyu wa mu nuula?

11 Avaloli avakyamu va singira; Va nteva ku vindu vya nta manya.

12 Va ntunga ubudamano ku bulahi, Kuvereridza mwoyo gwange.

13 Navutswa inze, lwa va li valwaye ingubo yange ya li ligunia: Nda saliridza mwoyo gwange nelihonga lilia; Na lisaala lyange lya irana ku kiritu kyange.

14 Nda genda kuli a veye mulina wange kinga amwavo wange: Na ndinama neliverera, kuli u syomeranga mama wewe.

15 Navutswa mu lyekigitala lyange va sangala, ni vevungidza avene: Na avahanzahanza vevungidza ku inze, na nda vula kumanya; Va ntandula, na va vula kuleka.

16 Kuli avekihenyahenye mu lilia, Va dyedyeyidza amino ku inze.

17 Mwami, u la henza kuduka inyinga ki? U honnye mwoyo gwange ku lidividza lyavo, U honye muderwa wange ku ving'ang'a.

18 Nda ku santidza mu livugana linene: Nda kwidzominya mu avandu vanyingi.

19 U ta leka yavo ava veye avasigu vange, va sangale ku inze bugira kivune; Kandi yavo ava ndunyiranga vutswa va ta simanira tsimoni ku inze.

20 Kigira si va vola mirembe mba; Navutswa va ganagana makuva gobugadi ku avemirembe mu kivala.

21 Yee, va kunula munwa ligali ku inze; Va vola, Aha, aha, tsimoni tsyetu tsi ga loli.

22 Ive u loli, O Yahova; u ta kiring'ana mba: O Mwami, u ta va ihale ku inze.

23 U vuke, u singire kulungikidza vya ndukira, Kali liva lyange, O Nyasaye wange, na Mwami wange.

24 O Yahova Nyasaye wange, u nkalagire kuli ubulungi bubwo; Va ta duka ku sangala ku inze.

25 U ta va leka va vole mmyoyo gyavo, Aha, kwenya ndiyo: U ta va leka va vole, Ku mu miri.

26 Va leganywe nokuva isoni halala, yavo ava sangalira kivi kyange: Va vikwe tsisoni nelikyaywa, avegingira ku inze.

27 Va yanze, na va sangale, yava ava yanzanga makuva gange malungi: Yee, va vole kazozo, Yahova yidzominywe, U yanzanga mirembe gya mutu mekiri wewe.

28 Na ululimi lwange lu la vola ubulungi bubwo Nokwidzominya ive mbasu bei.

©Bible Society of Kenya, 1967

Bible Society of Kenya
Lean sinn:



Sanasan