Zaburi 26 - KITABU KITAKATIFU

Zaburi ya Daudi.

¹ O Yahova, u nkalagire, kigira ng'endi mu budukiru bwange: Nsuuviye Yahova bugira lihayahayidza.

² U nzidere, O Yahova, na u ngeridze; U henzeridze mwoyo gwange na tsiganagani tsyange.

³ Kigira tsimbabasi tsitsyo tsi veye imbiri wetsimoni tsyange; Na ng'endi mu ageligali gogo.

⁴ Si nzikaye halala na avandu avobubehi; Kandi si nda hambana navavisanga amakuva mba.

⁵ Ndunyiranga livugana lyavakola ubudamano, Na si ndikala na avobwoni.

⁶ Ndisaava makono gange mu liva bugira kindu ku inze: Na ndiyo nda vodonkana ubwali bubwo, O Yahova;

⁷ Nzilwadze nomwoyo gwelisantidza, Nandidze miyinzi gyigyo gyosi gyobugenyi.

⁸ O Yahova, nyanzanga limenya lyenyumba yoyo, Na hango hobukumi bubwo bu menyanga.

⁹ U ta vungidza mwoyo gwange halala na avobwoni, Kinga livamwoyo lyange halala na avandu va masahi.

¹⁰ Avobudamano bu veye mu makono gavo, Na avomukono gwavo mulungi gwizuye vikukula.

¹¹ Navutswa inze nda genda mu bulungi bwange: U ntungire, na u mbere tsimbabasi.

¹² Kirenge kyange ki singira hobulungi: Mu mavugano nda gasidza Yahova.