Zaburi 24 - KITABU KITAKATIFU

Zaburi ya Daudi.

¹ Lirova li veye lya Yahova, na vyosi vizula mulyo; Vivala vyetsihiri, na yavo ava menya muvyo.

² Kigira ya li singeridza ku tsinyanza Kandi ya li dinyeridza ku migera.

³ Ni bwaha u lyanigira mu kigulu kya Yahova? Kandi ni bwaha u li singira mu hatakatifu hehe?

⁴ Ni uyu u veye na makono malavu, na umwoyo mutakatifu; Kandi u vuli kuginga mwoyo gwigwe ku bubehi Kandi u vuli kwisuha nobugadi.

⁵ Uyu niye u li nyola ubugasu bwa Yahova, Na ubulungi bu twula ku Nyasaye wobuhonywi bwibwe.

⁶ Yiki ni kisukululwi kya yavo ava mwenyanga, Yavo avenyanga mumoni mumwo Nyasaye wa Yakobo [Selaha

⁷ Mu digulule mitwe gyenyu, mwinye viribwa; Mu digululwe mwinye, viliango vyemihiga nemihiga: Na Mwami wobukumi a lingira.

⁸ Mwami wobukumi a veye ibwaha? Yahova, wetsingulu na wobunyali, Yahova wobunyali mu bulwani.

⁹ Mu digulule mitwe gyenyu, mwinye viribwa; Yee, mu gyi digulule, mwinye viliango vyemihiga nemihiga: Na Mwami wobukumi a lingira.

¹⁰ Mwami wobukumi uyu a veye ibwaha? Yahova wamahe A veye Mwami wobukumi. [Selaha