Zaburi 19 - KITABU KITAKATIFU

Ku Munene Wetsinyimbu; Zaburi ya Daudi

¹ Magulu ga lang'aminya ubu kumi bwa Nyasaye; Na ubwerefu bu landidzanga miyinzi gya makono gege.

² Mbasu nombasu gyi volanga makuva, Na ubudiku nobudiku bu lang'aminyanga limanya.

³ Si ha veye nelivola kinga ululimi; Ha mwoyo gwavyo gu vula kuhulirwa.

⁴ Livola lyavyo It tsia mu lirova lyosi, Na makuva gavyo ga duka ku kiheri kyelirova. Ya vika lihema lyeliuva muvyo,

⁵ Ili veye kuli userereywi u twula mu inyumba yeye, Na li sangala kuli mundu wetsingulu kunyagula inzira yeye.

⁶ Ubutwuliru bwalyo bu twulanga ku kiheri kyeligulu Na liyeera lyalyo li duka ku kiheri kyalyo; Na si ha veye nekindu ki viswa ku uluya lwalyo.

⁷ Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

⁸ Megidzo ga Yahova ga veye malungi, ga yanzidzanga mwoyo: Lilaga Iva Yahova li veye litakatifu, li kolera tsimoni ubulavu.

⁹ Litibwa lya Yahova li veye lilahi li hindiranga mihiga nemihiga: ga Yahova ga veye geligali, ga veye malungi gosi.

¹⁰ Yivi nivyo vyenyangwa kuvita ithahabu, yee, kuvita ithahabu inyingi indahi; Vi veye vinolu kuvita ubwuki, ubwuki mu masang'asa.

¹¹ Kandi ku yaga mutumekiri wowo a gerehidzangwa: Mu ligumira yaga li veye madanyi manene.

¹² Ibwaha u nyala kumanya mahyolo gege? U nzogidze mahyolo ga viswa.

¹³ Kandi u gaye mutumekiri wowo ku bleoni bwelihindagiridza; Bu vule kwameha ku inze: Kunangwa nda va mulungi, Kandi nda va museredze ku bwe baali bunene.

¹⁴ Makuva gomunwa gwange na tsiganagani tsyomwoyo gwange Tsi bugirirwe imbiri wowo, O Yahova, ulwanda lwange, na muhonnyi wange. Ku Munene