Zaburi 16 - KITABU KITAKATIFU

Yahova Aveye Miyandu gya aveve. Lwimbu lwa Daudi

¹ O Nyasaye, u nkonye; kigira nzirukira ku ive.

² O mwoyo gwange, u voleye Yahova, Ive u veye Mwami wange: Si mbeye nobulahi bu ta li mu ive.

³ Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

⁴ Ubuvereri bwavo bu la medeka, ava haana vihaanwa ku mu nyasaye wundi: Vihaanwa vyavo vyokunwa vyamasahi si nda vi haana Kandi si nda vugula ameta gavo mu munwa gwange.

⁵ Yahova a veye kidieli kyemiyandu kyange, na kye kisanda kyange: Ive u lindanga vindu vyange.

⁶ Ubugono bwange bu duki halahi; Yee, mbeye nemiyandu milahi.

⁷ Nda santidza Yahova, wa mpa makuva malahi; Yee, mwoyo gwange gu nzegidza mu tsinyinga tsyobudiku.

⁸ Mbiki Yahova imbiri wange kazozo: Kigira a veye ha mukono gwange mulungi, si nda dengeyidzwa.

⁹ Kunangwa mwoyo gwange gu yanzanga, na ubukumi bwange bu sangalanga; Kandi inyalna yombiri gwange i la menya mu lisuuviridzwa.

¹⁰ Kigira si u li leka mwoyo gwange mu Kinadisi; Kandi si u li bugirira mutakatifu wowo kulola ligunduluka.

¹¹ U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.